I Versetti Biblici più popolari da Corosadeniza 1

Condividi

Ziziniza imadipozape uimasiri iaza dacorapode. Naraha Deo ia rroca toninebaqquiza pocca erredenicca cacaueheza ia tonanabaqquirraride. Deopa Poua Bediza uati uana tarrari.

Deorrine Poua Bedina bazima inauatorizarrari. Arra memeuarri anirizarrari inauato, arra namiza anirizarrari inauato narrari. Arra inoccoza qqui inarizarrari bazima inauato, arra inoccoza qqui inarrararrari naco bazima inauato narrari. Arra inoccoza qqui inarrararraridenicca taminedeni naco inauatobaqqui-rizarrari. Cacauehe carrimana, dacorehe carrimana, nauatoue carrimana narrarideni bazima pouana pouadeni nauatodedeni torrarrari. Bazimapa pocca.

Cristopa zama nauato-rreraccazama madiporrari. Arra bazima anirizemanarraripa pouarrine nauatorizarrari. Memecca, namicca bazimapa pouana ecauaza anirizauissa tarrari.

Cristopa Deo Bedi. Pina Deo Pouassa narrari. Deopa inoccoza qqui inarraraui. Naraha Deo Poua Bedi Zeso Cristo qqui qqui torrarraripa pina Deo Poua qqui inarrarissa narrari. Cristopa nami nauato-rreraccazama madiporrari. Arra bazima carririzarraripa zotode inauatorizarrari.

Nezape titauimarideni imittaponizama titouideni Deoza uatide inebo-rrerarraroparri. Deo Poua nacassa tauicca nauatoqquiri tiquenanissa taniuarrine ineza Pouaza uati uati ihizanapo narraro. Tiadeniza Poua Corimecca nauatoue, pocca touattehe bazima da inaniuarrine ineza Pouaza uati uati ihizanapo narraro. Rrehe, Deo Corimecca touattehe ticarrimanezape timadimananissa taniuarrine nauatoqquiri tiquenanitoui. Pina ia Zozossede Deo nacassa tauiccassa tinanemananiuarrine. Uima bicanira tinanemanezape ia Zozossede Deo uatizeuitoui. Tirrinedeni uima bicani torrarizezape tizepedeni irrie uapima auato tanitoui. Pina aua bono ocassa tauicca bonorride rarrarissa tiquenanitoui. Nema tiquenezape Deoza denima tinoccodeni torrizera-zanaponiuarrine ineza Pouaza uati uati ihizanapo narraro.