I Versetti Biblici più popolari da Atos 5

Condividi

Nazapa Zesocca zozosse tabaqquipa tamine atti ecomeremanarrari. Pedorona uati tarrari: —Ia bazima Deocca madirra iquerrenezape taidepe Pouazaha iboraqquiri inanina bica tani, zotodena madirra attiza iboraqquiri inaniuarrine. Naraha madirracca zossenirripe pina Deocca zossenirrissa nerrerezape Deocca zossenirrizara iboraqquiri inanina bica tani.

Nazapa uarrirriraza maride toquerrena-zanaporrari. Deoza dada toqquimauarri maride toquerrena, poccadeni ozauarri naco maride toquerrena zanapomanarrari. —Ia Zozossede Cristo-Mesiatoui imadirrarope arra Zeso Cristoparra. Pouaza parrissa tiquenezape ticassiuaueraniuarrine −quenarrari Zesocca zozosse tabaqqui attideni.

Naraha Pedoro pouaza uati tarrari: —Anania nerrecotoui maizehe rrinede Tocorime-Tamine attizara ibora tineza Deo Corimeza timaizarraro? Ticca zama manaconi motape tinarrimarraro. Ticca zamape ticca rreraqui? Ticca zama da tineza manaconi naqui ticca ziniro rreraqui? Narraro zinirope ticcaraha nerrecotoui tibodiza maizehe touini tarraro? “Madirra ocamaizabaqquina” teraha Deozana timaizarraro −narrari Pedoro. Nazapa Anania Pedoro atti nama naui mittazapa uatiarrari. Edima… boua narrari. Nazapa Anania uatiauicca uima bazima mittemanazapa cappina-rizemanarrari.

Nazama tiadeniza ouattipe: Peperriua, arrarraridenipa tinebobaqquimanarro, onarraro. Poccadeni uima Deocca rrerezape niza rricanitoui. Naraha pouadenipa Deocca zossenirri uitiderra. Parrissa Deocca uima torrezape Deocca uima tinarriquemananiuarrine ssamo tani. Parri! Deozape rrara tiquenerrerarri. Poni! −narrari Camarieo taminedeniza uati uati taza.