I Versetti Biblici più popolari da Lɔmukalu 8

Condividi

Mɔ do k'a lɔn ne ko, ko bɛ la yi banna a ɲuma le ma Ala kanundelu yɛ, minu kilinin ka bɛn aa kolatɛɛnin ma.

Kamasɔlɔn ǹ lanin a la ko foi tɛnala sena mɔ fɛ tɛɛla Ala ya kanundeya la. Ni a ka kɛ saya le, niimaya le, mɛlɛkalu le, jinalu le, bi kolu le, sinin kolu le, seetiilu le, sangbololɔ fangatiilu le, duukolokɔkan fangatiilu le, kumatɛ dannifen suu suu ma, wo foi tɛnala sena mɔ fɛ tɛɛla Ala ya kanundeya la, min jiyanin mɔ la mɔ Tii Masa Tɔɔmasenin Isa fɛ.

Wo boloɲa kelen ma, Nii Sɛnɛyanin yi mɔ madɛmɛnna maa fangandanya lɔ. Kamasɔlɔn mɔ m'a lɔn m'i Ala dali ko minu la, kɛɛ Nii Sɛnɛyanin gbu le yi mɔ masolonali minala Ala ma wunɛ boloma, min tɛ kumafɔ talu le.

M'i mindɛ fɔ butu ka bɛn ko minu ma? Ni Ala ka kɛ mɔ fɛ, jene yi se i lɔla mɔ ɲa?

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

K'i nii la i falikolo ladiyanankolu kɔkan, wo laban yi saya le le. Kɛɛ k'i nii la Nii Sɛnɛyanin ladiyanankolu kɔkan, wo laban yi niimaya ni josolajii le le.

Kɛɛ wo bɛ lɔ, mɔ vɛ kɛ seesɔlɔnbalu le feu ka bɛn ale le ma, ale min na mɔ kanula.

Ǹ ta miliya lɔ, bi tɔlɔyalu tɛ se sumala magbiliyali ma min la kɛtɔ nkɛnɛmayala mɔ yɛ sinin.

Mindɛ le yi se mɔ fɛ tɛɛla Masa Tɔɔmasenin ya kanundeya la? Tɔlɔya, niwotɛ hangili ɲaami? Jangata, niwotɛ kɔɔn? Feeyabɔtanya, niwotɛ masuwako, niwotɛ siyamifan?

Ado Ala min yi mɔ josokun lasaala, wo ka Nii Sɛnɛyanin miliya lɔn, kamasɔlɔn Nii Sɛnɛyanin yi mumininnu masolonali minala Ala ma ka bɛn Ala sawo le ma.

Kamasɔlɔn mɔɔ minu yi taamana iwo Ala Nii Sɛnɛyanin y'ai lɔla teme, wolu bɛ yi Ala den ne le.

Kamasɔlɔn mɔɔ minu yi taamana ka bɛn ai falikolo ladiyanankolu ma, wolu nii lanin ko suu wolu le kɔkan. Kɛɛ do, mɔɔ minu yi taamana ka bɛn Nii Sɛnɛyanin sawo ma, wolu nii lanin Nii Sɛnɛyanin ya kolu le kɔkan.

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

Nii Sɛnɛyanin gbu yi seleya min dila, wo seleya kelen ne yi mɔ josokun nɔ ko Ala den ne mɔ le. Komi Ala den ne mɔ le, mɔ kɛtɔ balayi sɔlɔnna iwo a dennu. Kamasɔlɔn Ala yi balayi min ladalola Masa Tɔɔmasenin yɛ, mɔ fɛ kɛtɔ kɛla wo sɔlɔnko la. Kɛɛ fɔ mɔ fɛ yi kɛ aa tɔlɔyalu la bene, jani m'i magbiliyali sɔlɔn a fɛ.

Kamasɔlɔn mɔɔ min nii lanin a falikolo ladiyanankolu kɔkan, wo tii v'i lɔ Ala ɲa, kamasɔlɔn a m'a kolo Ala ya seliya yɛ, a do tɛ se wo la feu.

Kamasɔlɔn dannifen bɛ kɔlɔtɔnin wo lon nako le la, Ala kɛtɔ a dennu lankɛnɛmayala lon min na.

Mɔ k'a lɔn ne ko haan fɔɔ ka na sii bi la, dannifen bɛ y'ai wunɛla i ɲɔɔ le, iwo moso min yi tin nɔ.