I Versetti Biblici più popolari da Matiw 18

Condividi

P'ee pee w'u gurum vel kooh kunn mwopp kukhur diy dhighin shumm nah, bhi a'n nhighin naar mwopp.”

“Dyi zag ih kihh satt wunn ih le, mihh vel dhighin wunn se dhighin yill mhize wu l'e pwoo wu kihshag dhighin dhangNaan p'ee mee'bii, bhi Daa w'u tihngg kih dhengg p'ee sh'in nyi wunn.

Jesu peet reb m'ee l'aa wu'shomm lhitaah, bhi l'e tihh l'aa ni dharr kihnaar mwopp. Bhi satt mwopp le, “Mihh dheng'pee wu shikhir wu dhen shuk kaa zhepp wu'dyeen se mou, bhi baah wunn p'ee cham dhel dhighin dhenglong khi Naan mou.

Pee'mhinyi, bhi ih kihh satt wunn, koohweeh w'u saam kihh kaah niy kaa l'aa mihhse se, bhi a nyi a gwooh mettweett dhighin dhenglong khi Naan.

Koohweeh w'u mihh lapp l'aa wu'shomm kaa mihhse se dhighin shumm nah, bhi lapp a a'n.

“Ih kihh satt a zeenn wunn, koohmeeh w'u mihh wu bwakhat dhighin yill mhize, bhi nyi p'ee dhen a w'u bhi-bwakhat kih dhengNaan; yakhal koohmeeh w'u mihh wu woo dhighin yill mhize, bhi nyi p'ee dhen a w'u wu-woo kih dhengNaan zag.

“T'o, a mihhse a bii w'u Daa w'u tihngg kih dhengg p'ee sh'in kihh kooh a meeh wuh wu'rangg seh, kad dheng'pee gwoh ni fwa emnhikhin sam taah kih phider bwut niy mou.”

Dhangg gwooh mihh l'e tihh m'ee mwoohdyeen mhize mwopp sh'in shigbis, ai bhi rettmett gwoh ni tihh dyinn mwopp rad a gag m'ee panggfiin tookk nyi mwopp meng nyi lhisam dum kih phider kur'am.

“Ih nang dhak kihhshe 'y: mihh gurum kihh tihm dhaa kihmeh dhangg kihmeh dhighin mwopp pillip la'kham, bhi kan diy yet mwooh laar pwoghofeerr kihh pwoghofeerr seh dheeh shi'bwut bwumm tihh l'ang diy kihshiiy kihmeh w'u pillip la'kham seh maah?