I Versetti Biblici più popolari da Matáyɔ 19

Condividi

Yéso áǒenga jaa! Áǒgea: «Kema bui nde nkpa nna ɔtɔtɔkisa, Mokonga aámbé aɔtɔtɔkisa.»

Kaɓondɔ, ɓáká ye ɓakpa ɓaɓɛ, ɓá ndiu nkpa mo. Cɔ, nkpa kakatanisɛmbɛ kema nde Mokonga ajúki.»

Yéso áǒsikisia: «Ɓókótangimbɛ nyɔngɔ nde suɓi á Ɓuku á Mokonga: ‹Ka nkpangeɔ, Ababisa ɗáncɔnji mǒko na nke, mpɔ, Mokonga áogea: Ka nyɔngɔ índɔ unge, mǒko anɗeketande abakɛ n'amakɛ, ɓáojúkana na nkakɛ, ɓɔbu ɓaɓɛ ɓáɓande nkpa mo.›

Yéso â gǎkɛ ogea: «Óɗoani ɓaniki ɓásɛkɛɗɛ bíbí ani, ɓókǒimisiɛmbɛ nga, koɓoamɛ ndea na koba a ka ɓunde ɓá ɓea ɓaniki.»

Cɔ, ɓakpa ɓásii nde ɓá gǎkɛ kɛ̌kɛnde ɓato á k'ama mosá-mosá ɓáɓande ɓato á mbusa, na ɓato á mbusa, ɓáɓande ɓato á k'ama mosá-mosá.»

Na nkpa buakɛ mmbé ɗáɗeketi endu nɛɓɔ, ɓana-amakɛ, ɓ'áwákɛ, abakɛ, amakɛ, ɓaniki nɛkɛ, na ciko nɛkɛ ka nyɔngɔ ani, ɓátɔande ú kɔnyɛ́nya mɔngɔ mia moci (100), na tɔá phɔtɔ enda á mɛyɔ.

Yéso áongea te: «Aoɓá n'okondi ɓá nto anjánjá phɛɛ, gǎ ósombisɛ nkumba nɛkɔ bubui, óɓophɛ ɓato á ɓuyɛnɛ imɔna í, na oɓande n'ɛtɔi na koba. Mpɔ, bika ómoɓeɛ.»

Yéso áonsikisia ɓe: «Ka nyɔngɔ éke nde oomúsia ka phɔa á kema ánjá? Nto anjánjá a tɔ mo. Aoɓá n'okondi ngia ka enda á mɛyɔ, cɔ, ámbá ɛɔphi.»

Nenóngoɗi goto gea, aáphǒ ka ngamia ngia suɓi á kubu á mǔphe, a ndiu gǎkɛ akpɛ phɛɛ ka ntɔi ngia ka koɓoamɛ ndea Mokonga.»

Nenóngoɗi gea, aoɓá nkpa n'an'yé nkakɛ na nna tɔ ka nyɔngɔ á gua n'etoa, áomɓoa nke ɓaangbo, nkpa ndɔ, a ye tɔ nto á otungɔ.»

Mpɔ Yéso áǒngoɗea ɓagoigi nɛkɛ: «Amɔ̂ tɔ akpɛ ka ɓatɔi ngia ka koɓoamɛ ndea Mokonga.