I Versetti Biblici più popolari da Kejadian 18

Condividi

Asipetepudi, aupu ton pepu. “Ware yala keca do yuma, wareto keca ikin weik kuptupa, Allah er si Yahwehdi teneretopu bisbisa kaptudi men kuptu do? Ikin men kuptene. Angeda men kupmanto. Arup pepmakentopu, orketeng tamun neitamai, aware utopu tamupra yanyopda, kan ner Sarahdi sal mi deipkamkere,” pepu.

Ada, ‘Neda pio wisi weik ner kununa utopu, nerapudi nyapu men derinunga cadi, ware kuprap nedi mi deiptene do? Tonda, ne dopneu ngebo peda, pio wisi ngebo cadi, angeda men kupmanto,’ tenepudi, autupu.

Gume, ne puto di meliamnepane, Abrahamdi deiprepa, dadeipdanen kunkameng nesala yala-yala weik kunkamenge. Erda, sun apu bo utopu kunkamre. Er nyapsilip, er yala nesalada, puto weik nesala kunkamenge. Sun tep melimamnepane, sun kunkamenga deiki di, yuk mutu nesala ban-ban yuma tep, telep kupra deipkamsene. Ada Abraham kunkamrenge deiki ja.

Banmareipa, Abrahamdi Allah tep asipetepu. “Naio, ormutu kunge nesala neitamaida, mali kunge nesala pe, telep kunge nesala peda, utotopu wenepra poptapkamarem do? Ne walwal dinin, amutu neitamaida, telep kunge nesala denge weik 50 kuptenge teptoda, aneng mangkau kange doupra, telep kunge nesala tep, ‘Amutu gum kupra deipkune,’ tenepmarem ngeda men yaptum do? Gum do?

Abrahamdi upepra asipetepupa, Allah er si Yahwehdi tamupra pepu. “Uda, Sodom mutu kunge nesala dipetepnepa, mangkau kange doupra, telep kunge nesala 50 kuptengetoda, sun lyemna tep amutu yuma gum kupra men deipkamane,” pepu.