I Versetti Biblici più popolari da Yoohani 14

Condividi

Lwɨ‑ɨsogola, ɨhubhaleshela ʉtengaanu waanɨ mu mooyo geenyu. Ʉtengaanu ʉwo saga wuli nanshi ʉwo wufuma hwa bhantu ɨbho bhahunʼkhaana ʉNgʉlʉbhɨ. Mugandi azugumile mu mooyo geenyu, nantele mugandi ahwogope hohonti.

ɄYeesu ahamʼmwamula ahaga, “Anɨ ɨndi lidala, nɨ lyoli, nʉ wʉʉmi. Nʉʉmo ʉmuntu wowonti ʉyo abhajiiye ahwɨnze hwa Daada waanɨ sinta ashilile hwaliinɨ.

Ɨpo ʉYeesu ahajendeelela hubhabhʉʉzye abhasundwe bhaakwe huje, “Mugandi azugumile mu mooyo geenyu. Mumʼmwɨtɨshe ʉNgʉlʉbhɨ, munɨɨtɨshe naanɨ.

Leelo ʉMwavwi ʉyo hwa huje, ʉMʼpepo ʉMʼfinjile ʉyo ʉDaada waanɨ ahayihunʼsonteelezya huliimwɨ hwi‑itaawa lyanɨ, ʉyo ahayihubhamanyizya na hubhiizusye gonti ɨgo nahabhabhʉzɨɨzye.

Ʉmuntu wa‑ahwambɨɨlɨla ɨndajizyo zyanɨ na huzilondolezye, ʉyo wa‑angɨɨne. Ʉmuntu ʉyo wa‑angɨɨne, wope ʉDaada waanɨ anza hunʼgane. Nanɨ ɨnza hunʼgane na hwibhonesye hwa mwene.”

Ɨshi nanɨ ɨnza hunʼnaabhe ʉDaada waanɨ huje abhapeele ʉMwavwi ʉwɨnjɨ, ʉyo ahayihubhaavwa na‑abhe peeka naamwɨ wiila. ɄMwavwi ʉyo yʉ Mʼpepo ʉMʼfinjile, ʉyo ya yʉʉyo ahubhilulila abhantu ɨlyoli. Abhantu bhonti ɨbho bhahunʼkhaana ʉNgʉlʉbhɨ, saga bhabhajiiye ahumʼmwambɨɨlɨle ʉMʼpepo ʉyo, pɨpo saga bhahunʼnola, nantele saga bhamʼmɨɨnye. Leelo amwɨ mumʼmɨɨnye ʉMʼpepo wa Ngʉlʉbhɨ, pɨpo akhala peeka naamwɨ, nantele ahayibha mu mooyo geenyu.

Hohonti ha mulaabha hwi‑itaawa lyanɨ, nanɨ nahayibhomba huje ʉDaada waanɨ amwamihwe. Hwi‑idala ɨlyo ʉmwamu wa Daada waanɨ wunza‑aloleshe ashilile huliinɨ nɨMwana waakwe. Nkashele mulaabha ahantu hohonti hwi‑itaawa lyanɨ, ɨnza‑abhombe.”

ɄYeesu ahaga, “Nkashele mungɨɨne, munza‑alondolezye ɨndajizyo zyanɨ.

Mu nyumba ya Daada waanɨ muli nʉ khalo ʉwinji. Nkashele saga zyabhanga ɨsho, handɨ ɨmbabhʉzɨɨzye. Ɨshi ɨmbala hubhalɨnganyizizye ʉkhalo.

Lwa naabhala na hubhalɨnganyizizye ʉkhalo, nahayiweela hubheeje huje ɨpo ɨndi, namwɨ pa mubhanje.

ɄToomasi ahamʼmʉzɨɨlɨzya ʉYeesu ahaga, “Wee Mwɨnɨ, atɨ saga timɨɨnye ɨpo ʉbhala. Ɨshi, tibhajiiye wɨlɨ hulimanye idala?”