I Versetti Biblici più popolari da રોમનોનેં પત્ર 6

Condividi

કેંમકે પાપ નો બદલો તે મોત હે, પુંણ ઝી વરદાન પરમેશ્વર આપનેં પ્રભુ ઇસુ મસીહ મ આલે હે વેયુ અમર જીવન હે.

તર તમારી ઇપેર પાપ નો અધિકાર નેં રેંહે, કેંમકે તમું મૂસા ના નિયમ ના કબજા મ નહેં, પુંણ પરમેશ્વર ના અનુગ્રહ ના કબજા મ જીવો હે.

એંતરે હારુ ઝીવી રિતી ઇસુ મસીહ મરેંજ્યો અનેં ડાટવા મ આયો, હિવીસ રિતી આપું હુંદં, બક્તિસ્મ દુવારા હેંનેં હાતેં મરેંજ્ય, અનેં ડટાએંજ્ય, અનેં ઝેંમ ઇસુ મસીહ, બા પરમેશ્વર ની સામ્રત દુવારા મરેંલં મહો પાસો જીવાડવા મ આયો, વેમેંસ આપું હુંદં એક નવું જીવન જીવહું.

અનેં તમારા શરીર ન અંગં નેં ભુંડા કામ નું હતિયાર થાવા હારુ પાપ નેં નહેં હુંપો, પુંણ પુંતાનેં મરેંલં મહં પાસં જીવતં થાએંલં હમજેંનેં, પુંતાનું જીવન પરમેશ્વર નેં હુંપેં દો. અનેં પુંતાના શરીર ન અંગં નેં ધાર્મિકતા ન કામં ન હતિયાર થાવા હારુ પુંતાનં જીવનં નેં પૂરી રિતી થી પરમેશ્વર નેં હુંપેં દો.

કેંમકે આપું જાણન્યે હે કે આપડો જુંનો પાપી સોભાવ ઇસુ મસીહ નેં હાતેં ક્રૂસ ઇપેર સડાવા મ આયો, એંતરે કે આપડા શરીર મ પાપી સોભાવ મટેં જાએ, અનેં આપું હેંનેં પસી પાપ ની ગુલામી મ નેં રેંજ્યે.

એંમેંસ તમું હુંદં પુંતાનેં પાપ ના સબંધ મ મરેંજ્ય હે, પુંણ ઇસુ મસીહ મ પરમેશ્વર હારુસ જીવતં હમજો.

હું એંનું અરથ ઇયુ હે કે આપડે પાપ કરતું રેંવું જુગે, એંતરે કે અનુગ્રહ વદતું જાએ? ના, બિલકુલ ના ઝર આપું પાપ હારુ મરેંજ્ય તે ફેંર આપડે પાપ મ જીવન નેં જીવવુ જુગે.

તમું જાણો હે કે ઝર તમું પુંતે કેંનાક અધીન મ રેંવા હારુ તમારી જાત નેં ગુલામ તરિકે હુંપો હે, તર તમું ઝેંના માલિક ના કબજા મ થો હે હેંનસ તમું ગુલામ હે, સાહે પાપ ન ગુલામ ઝી મોત મએં લેં જાએ હે, કે સાહે પરમેશ્વર ની આજ્ઞા પાળવા ન ગુલામ ઝી ધાર્મિક જીવન મએં લેં જાએ હે.

તમું પેલ પાપ ન ગુલામ હેંતં પુંણ તમું હાવુ વેયુ શિક્ષણ પાળો હે ઝી તમનેં આલવા મ આયુ હેંતું, એંતરે હારુ હૂં પરમેશ્વર નું ધનેવાદ કરું હે. પરમેશ્વરેં તમનેં પાપ ની ગુલામી મહં સુંડાય હે, અનેં હાવુ પરમેશ્વર ની ધાર્મિકતા ન ગુલામ બણેંજ્ય.