I Versetti Biblici più popolari da રોમનોનેં પત્ર 3

Condividi

એંતરે હારુ કે બદ્દ મનખંવેં પાપ કર્યો હે, અનેં પરમેશ્વર ની મહિમા થી સિટી હે. પુંણ પરમેશ્વર ના અનુગ્રહ થી આપનેં ઇસુ મસીહ દુવારા આપડં પાપં ના દંડ થી સુંડાય હે, મોફત મ આપું પરમેશ્વર નેં હાતેં ધર્મી ઠરાવા મ આય હે.

એંતરે ઝર આપું પ્રભુ ઇસુ મસીહ ઇપેર વિશ્વાસ કરજ્યે હે, તર પરમેશ્વર દુવારા ધર્મી બણાવા મ આવજ્યે હે. કેંમકે બદ્દ મનખં એક હરકં હે.

પરમેશ્વરેં ઇસુ મસીહ નેં આપડી હારુ ભુંગ ના રુપ મ મુંકલ્યો, અનેં ઇસુ મસીહવેં પુંતાનું લુઈ વેંવડાયુ, એંતરે હારુ મસીહ ઇપેર વિશ્વાસ કરવા થી આપું પરમેશ્વર કન આવેં સકજ્યે હે. અનેં પરમેશ્વરેં એંમ એંતરે હારુ કર્યુ કે વેયો એંમ વતાડેં સકે કે સેંલ્લે વેયુ સહી કર્યુ ઝર હેંને પાપી મનખં નેં માફ કરવા હારુ ધારેંણ રાખી. એંતરે કે એંના ટાએંમ મ પુંતાની ધાર્મિકતા પરગટ કરે, કે ઝેંનેં થી વેયો પુંતે ધર્મી ઠરે, અનેં ઝી ઇસુ મસીહ ઇપેર વિશ્વાસ કરે હેંનનો હુંદો ધર્મી ઠરાવા વાળો બણેં.

કેંમકે ખાલી મૂસા ના નિયમ નેં પાળવા થી કુઇ બી મનખ પરમેશ્વર ની નજર મ ધર્મી નેં ઠરે, એંતરે હારુ કે મૂસા ના નિયમ દુવારા એંમ ખબર પડે હે કે આપું પાપી હે.

ઝેંવું પવિત્ર શાસ્ત્ર મ લખેંલું હે, “પરમેશ્વર ની નજર મ કુઇ યે ધર્મી નહેં, એક યે નહેં, એંવું કુઇ મનખ નહેં ઝી ખરેખર હાસ હું હે હેંનેં હમજતું વેહ, કુઇ યે પરમેશ્વર નેં જાણવા નહેં માંગતું. બદ્દવેં પરમેશ્વર ઇપેર વિશ્વાસ કરવો સુંડ દેંદો હે, બદ્દ યે પરમેશ્વર હારુ નકમ્મ બણેંજ્ય હે, કુઇ યે ભલાઈ કરવા વાળું નહેં, એક યે નહેં.

એંતરે હારુ આપું જાણન્યે હે, કે મનખં મૂસા ના નિયમ નેં પાળવા દુવારા નેં, પુંણ આપડા વિશ્વાસ કરવા દુવારા પરમેશ્વર ધર્મી ઠરાવે હે.

ના બિલકુલ ના, પરમેશ્વર હાસું બુંલે હે અનેં દરેક મનખ ઝૂઠુ ઠરે, ઝેંવું પવિત્ર શાસ્ત્ર મ પરમેશ્વર ના બારા લખેંલું હે, “ઝેંનેં થી તું પુંતાની કીદીલી વાતં મ ધર્મી ઠરે અનેં નિયા કરવા ને ટાએંમેં તું જીત મેંળવે.”