I Versetti Biblici più popolari da Ipakilya 6

Condividi

N’aṉigi Yeôva nkôndi konde avang’aṉaga gô ntye n’ayeṉi ôrèm̃i wè nkaza.

N’ayeṉi Yeôva inè: Ibe s’aṉaga s’abuṉi pôlô gô ntye, n’ipikilya sôdu s’irèm̃i yaô s’avegagi s’ibe sitevô ntyugw’edu.

Ndô Nôa alèng’imèpiṉô gw’antyo mi Yeôva.

Siṉo n’imbamba si Nôa. Nôa avegag’ôma w’ôgôre n’ômbya gw’egômbe zè; n’agangaṉi Nôa n’Anyambyè.

N’awulyi Yeôva inè: Mi be jiliz’aṉaga w’avangyô myè avila g’ôzô wi ntye; aṉaga n’inyam̃a ni ya yi dandalanda, n’inyoṉi s’ôrôṽa, konde my’aṉigi nkôndi gw’avangi myè waô.

N’arweṉi nè: Gw’avakily’aṉaga gô buṉa g’ôzô wi ntye, ko awaṉ’antô jaṉô gôre waô, ayeṉi awaṉ’aṉôm̃e w’Anyambyè awaṉ’antô w’aṉaga inè, wi re mèpe jeṉô; n’ayômbi waô antô w’avinjyô waô avila gôre waôdu. Vovo awulyi Yeôva inè: Iṉiṉi nyam̃ ny’alwaṉ’egômbe zôdu gôr’ôma, konde ôma ne ôzôṉe, n’intyugu sè si be dwaṉe nkam̃a y’impum̃a mori n’agôm̃i m’impum̃’ambaṉi. Aṉag’ala n’ampôlômè w’avegagi gô ntye gw’intyugu mè, awaṉ’aṉôm̃e w’Anyambyè bya pa gôr’awaṉ’antô w’aṉaga, na waô jaṉa p’awaṉa gôre waô; wiṉo ne aṉôm̃e wi ṽèmba w’avegagi n’elum̃i gw’egômb’elônga.

Yeṉo alendi Nôa; alend’ezom̃’edu z’azômbyô yè ne Anyambyè.

N’awulinyi Anyambyè Nôa inè: Ntyay y’izôṉe yôdu y’abyeṉi g’ôzô wam̃, konde y’ajônyi ntye ni mbaô; vôna, mi be jiliza yô ni ntye ta.

Vangiṉ’ôwatanga wi rere yi gôfèr; vanga kè inontye g’ôwatanga, ko kila wô ôjô gô nkôṽa ya gare na gô nkôṽa y’igala.

N’avôni Anyambyè gô ntye; ndô vôna, y’aliwô y’afwevi, konde izôṉe yôdu y’akombizagi mpoṉo y’ibe gô ntye.

N’avila gw’eza zi re bo na gw’izôṉe yôdu, ko jinginya g’ôwatanga ṽaṉi g’ôṉongw’edu, gô penjavenja yô bo na wè kè; yi be dwaṉ’eṉôm̃e n’ezantô.