I Versetti Biblici più popolari da Markos 13

Condividi

Sa o sueto ka murzil pe tumende pala mo anav, a ko llala llik kai o son ta ni achela, ka avel braduime.

Goleke tumen morabi te aven llungade ta te prezon, soke ni llanen kana ka avel gua vreme.

A tumen na brigin tumen katar so si te phenen kana ka den tumen ande va e sudonenge, soke ande gua vreme o Del ka phenel tumenge so si te phenen ta tumen ni ka den orba, ko ka thovel alava ande tumaro mui si o Santo Duo.

O miloso ta e phuv ni ka aven ios, a me alava si te cherdon.

A cheres o llive ta o saiato, niko ni llanel le, ni e suechura e milosoke, ni o Chavo. Samo mo Dad llanel le.

A kana tumen ka asunen kai marenpe e phuvia pe suako rig, na daran. Gia trubul te nakhen sa gala ezgode, a ni ios inai o son

Achen llungade, soke ni llanen kana ka avel o gazda e chereko, sai avel kana perel e riat, o po dopas katar e riat, o thiarinako rano. Ta gia kana ka avel, te na malavel tumen sovindo. So phenav tumenge, phenaule saurrenge: ¡Achen llungade!

Soke iek charoina ka marelpe averiaia ta iek phuv ka marelpe avere phuviaia, ta e phuv ka dermolpe pe but thana, ta ka avel bok. Ta gua si samo e purve dukha e suetoke.

A mai anglal te avel o son e suetoko, morabi te phendol e lachi viasta ande sa e phuvia.

Soke ka aven but llene kai ka phenen kai sem me. Ta ka phenen: Me sem, ta ka kojaven bute llenen.

Arakhen tumen soke ka den tumen kai e sudura ta ka maren tumen ande khanllira e judionenge. Ta ka thoven tumen angla e sudura ta angla e kraliura te sai phenen e orba e chachi mandar te sai asunen von.

Soke ka aven kojamne mesias ta kojamne poraukura, ta ka cheren bare ezgode, te sai kojaven te avelape llik e llenen kai isto o Del esvirisarda.

A ande gola llivesa, kana ka nakhel o vreme katar e patnia, o kham ka cherdol truniariko, ta o chon ni ka klichil, e cheraia ka peren katar o miloso ta e zor e milosoki ka izdral.