I Versetti Biblici più popolari da Ephesians 6

Condividi

For oor struggle isna again flesh and blude, but again the pooers, again the authorities, again the warld‐rulers oʼ this mirkness; again the spiritual hosts oʼ ill iʼ the lift.

Wiʼ aʼ prayer and pleadin, prayin aye iʼ the Spirit; and watchin iʼ the same, wiʼ aʼ tholin and pleadin, for aʼ the saunts

Pit ye on the hail graith oʼ God, sae as ye may be fit to staun again the wiles oʼ Sautan.

Whaur‐for tak to ye the hail graith oʼ God, that ye be strang to withstaun iʼ the ill day; and, haein dune aʼ things, to staun.

And wiʼ aʼ, takin up the shield oʼ faith, in whilk ye hae pooer to kep aʼ the lowin shafts oʼ the Ill‐ane. And the heid‐piece oʼ salvation tak ye; and the sword oʼ the Spirit, whilk is whatsoeʼer God has spoken.

And sae staun! beltit aboot the mids wiʼ truth, and haein put on the prufe‐coat oʼ holiness; And shod yere feet wiʼ the readiness oʼ the Gude‐word oʼ Peace

And for the lave oʼt — Be ye strang iʼ the Lord, and iʼ the pooer oʼ his micht!

“Honor thy faither and thy mither” (whilk indeed is the first commaun wiʼ a promise); “That it may gang weel wʼye, and ye may leeve lang on the yirth.”

Ye bairns, be dutifuʼ to yere ain parents, iʼ the Lord; for this is bonnie.