I Versetti Biblici più popolari da Ephesians 4

Condividi

And be ye gracious ane till anither, eʼen as God in Christ forgaʼe you.

Wiʼ aʼ laichness oʼ mind and canniness; tholin lang, forbearin wiʼ ane anither

Lat nae vileness gae forth frae yere mouʼ; but raither what is gude, airtit to the up‐biggin oʼ the needs, and to the giean oʼ grace, for them that hear.

Aʼ bitterness, and wrath, and ill‐wull, and stour, and miscaʼin, lat them be taen awa frae ye, wiʼ aʼ malice

Be ye vexed, and yet sin‐na; lat‐na the sun gang doon on yere angʼer; And gie nae fit‐stance tae Sautan.

That sae soud ye cast aff, as to yere past doing, the “auld” man, wha corruptit his sel conform to deceitfuʼ desires; And be made young again, iʼ the spirit oʼ yere mind, And soud pit on the “new” man, wha eftir God is creatit in richtousness and holiness oʼ truth.

In love takin tent to keep the ane‐ness oʼ the Spirit, iʼ the union?-?bond oʼ peace.

And he gied some for Apostles, and some for prophets, and some for preachers, and some for pastors and teachers; To fit the saunts for the wark oʼ service, for the up‐biggin oʼ the body oʼ Christ. Till we aʼ win forrit to the ane‐ness oʼ the faith, and oʼ the perfete knowledge oʼ the Son oʼ God, intil manʼs estate, intil the measur oʼ the height oʼ the perfeteness oʼ Christ.

That nae mair soud we be bairns, tossʼt as on billows, and blawn aboot wiʼ ilka swee oʼ doctrine, iʼ the pawkiness oʼ men, in knaverie; eftir the wiles oʼ wrang. But, speakin truth in love, soud grow intil him in aʼ things, wha is the heid, Christ.