I Versetti Biblici più popolari da Záan 14

Condividi

Ɩ́ tɩ amɔ dʋ̀dʋkʋ́ a kʋwɔtɔmalɛ gɔ̀. Ɩ́ nyɛ́ amɔ ná kʋwɔtɔmɛɛ́. Cémʋ́ zɩkpa zɔ̀ a nyʋa nyɛ́ lɛ́ kʋwɔtɔmɛɛ́ a, sɩ́tɛ̀ nɩ́ nyɛ́ amɔ ná nɛɛ́. Di ná gbláa amɔ nyú, lé ŋanɩmɛ ná bhlá sáà amɔ!

Zozíi anɩ́: «Mɔ́ɔ ŋwɔ́ɔ nyúzɔ̀ɔ̀, mɔ́ɔ ŋwɔ́ɔ cɩ́cása lé mɔ́ɔ ŋwɔ́ɔ kɔ́. Nyɔ nɩ nɩ́ mɔ́ɔ mʋ́ plɩ́ a, ɔ nɩ́ ka míi lé ɔ ká Tʋ́ɔ́ gɔ̀ mʋ.

Lé Zozíi srʋ ɔ́ kʋjɩ̀nyʋ̀àà, mà: «Di ná gbláa amɔ nyú! A tɔ̀ Lagɔ duo, lé a tɔ̀ sáà mɔ́ɔ duo!

Nyɔɔ́ ɔ̀ nà kà amɔ kʋ́ fa a lé ɔ̀ ŋwɔ́ɔ Blɔ̀blɔ̀zùzùò a, lé Tʋ́ɔ́ na ká ná ŋnɩ́ mʋ́ la a, ʋ́mʋ́ nà kà amɔ wɔlɩ́ɛ́ fɩ́ɛ́ cɩ́à. Ʋ́mʋ́ nà kà sáà amɔ ná cícíwɔlɩɛ́ fɩ́ɛ́ luò.

Ɔ̀ nɩ̀ ŋwʋ́ ná jràmáá duo kʋ́ a, lé ɔ̀ nɩ̀ nɩ a sá a, bhʋ́anɩ nyɔɔ́ wà mɔ́ɔ. Nyɔɔ́ ɔ̀ wà mɔ́ɔ a, ɩ Tʋ́ yio wà lé ná sɛ́fʋɔ́ ɩ́ yio wà lé ɩ́ yio ɩ nyoku pápa a.»

Ɩ́ yi Tʋ́ɔ́ bhibhie lé ɔ́ yi amɔ nyɔɔ́ ɔ̀ nà kà kɔ́ɔ̀kɔ́ amɔ gɔ̀ kʋ́ lé ɔ̀ kà amɔ kʋ́ fa a laà. Ɔ́mɔ́ ɔ̀ ŋwɔ́ɔ cɩ́cása a zuzùò. Kɔ́ a nyʋa nɩ́ kɔ́ɔ́ wlɩ tʋà, máà a nɩ́ yɔ́ɔ́ kʋ́ lé a nɩ́ ɔ́ sáà yì. Mà ɛ̀ nɩ̀ ŋwɔ́ɔ amɔ a, a yìò, ɔ́ kʋ kɔ́ɔ̀kɔ́ amɔ gɔ̀ lé ɔ́ kʋ amɔ mʋ́.

Lé wɔlɩ́ɛ́ fɩ́ɛ́ a na ká ná ŋnɩ́ mʋ́ yrá a, ɩ́ yii nɩ, ɩ́mɩ́ mʋ́ yʋ́ɔ́ na ká Tʋ́ɔ́ kpá ŋwʋ́. A nɩ yrá ná ŋnɩ́ mʋ́ wɔlɩ́ a, ɩ́ yií nɩ.

A nɩ wà mɔ́ɔ a, a yi ná jràmáá kpá ŋwʋ́.

Ɩ Tʋ́ a gbó a mnɩ́ wlʋ̀. Ɛ̀ nɩ nɩ́ la sɩ́tɛ̀ ŋwɔ́ɔ a, nɩ́ ka la amɔ mɩ́ srʋ. Ná ká mʋ lé ká a sabɔ̀da gɩglà.

Nɩ mʋ lé nɩ gɩglà aa sabɔ̀da a, ká yɩ́ amɔ bhá ka yi lé dɛ́ ɩ́ kʋ a, a ká sáà ʋ́ kʋ.

Ɔ́ cí lɛ́ sɩ́tɛ̀ a, ɔ́ kʋjɩ̀nyɔ Tomáa anɩ́: «Kanyɔɔ̀, bhlɩ́ɛ́ jɩ̀ ɩ̀ mnɛ a, à nɩ́ mɔ̀ɔ dá yì, cégbá mʋ́ à yi mɔ̀ɔ a nyúzɔ̀ɔ̀ yɩbhlɩ a?»