I Versetti Biblici più popolari da Apocalipsis 16

Condividi

Kub'ij i Ajwal: “Chita pe', yin kinupon ni iwu' are nti kich'ob' che, pacha rokik jun ili'om. Utz re i jun chi lik kk'ask'atik in roy-em, uyijb'am chik u'u' are kinuponik. Keje ile ch'anal ti uri kb'inik, kk'ix ti uri chkiwach i winaq.”

I uwaq ángel xujopij b'i utu'b'al puwi i nim laj raqana Éufrates. Are uri, i ya xchaqijik; i ub'eya xe'eloq jun nim laj kib'e jub'an ajawinelab' chi kek'un prelb'al ij.

I oxib' itzel tew le are i kitewal itzel chi kki'an taq i nimaq taq anik. Ike ke'e na, kkimol kichi' i nimaq taq ajawinelab' re uwach i jyub' ta'aj, re i ch'oj chi k-an ni pa k'isb'al ij, chupam i nim laj ij re i Dios chi ronojel ktiki che.

Are uri xwil oxib' itzel tew pacha je ixtutz' ketzunik. Jun xel puchi' i nim laj itzel kumatz; jun chik puchi' i nim laj itzel chikop; xaq jun chik puchi' i jun chi u'anom che rib' pacha profeta.

Konojel lik xek'at ni rumal, xwiri, xkijalwachij ti kik'aslemal. Xaq xkikoj ti u'ij uchomal i Dios, xa k'ax xech'aw chrij, chi lik o pu'ab' kutaq li tojpen pkiwi.

X-e i nab'e ángel i xujopij b'i wach o chupam utu'b'al chwach i jyub' ta'aj. Ni'pa i winaq chi o ub'i i nim laj itzel chikop chwach kikrusil, xaq kikojom u'ij uk'exwach, ike le xpe ch'ak che i kich'akul. Ile lik itzel ch'ak, lik k'ax.

Te'uri i oxib' itzel tew xekimol i nimaq taq ajawinelab' che i jyub' chi Armagedón kb'ix che kumal i aj Hebreo.