I Versetti Biblici più popolari da G%E1latas 3

Condividi

Xwiri i Cristo xojresaj pu'ab' i tojpen re i ujer atb'al tzij, xaq xuya rib' chuch'ijik i tojpen pqak'exel yoj. Qeta'am chi keje ile xe'eloq, man keje iri tz'ib'tal chupam uwuj i Dios: “Jun, we tzayb'am che jun che' are xkamik, k'oqtal uri rumal i Dios.”

Rumali chwach i Dios, nti chik jun mas naj u'ij chwach jun chik: Nti k-ono we aj Judío winaq, o we aj Grecia winaq, o we jun ajchak chi o pu'ab' jun rajaw; nti k-ono we achi o we ixoq; man qonojel yoj, we oj o chik che i Jesucristo, is oj xaqjun chik uri chqawach.

B'ay, we ix re chik i Cristo, ix umuq uxikin uri i mam Abraham; xaq kya' ni utzil chomal chiwe chi uya'om chik i Dios che i mam Abraham.

Keje xu'an i Jesucristo ile yab'al re i utz pkiwi i ne te aj Judío winaq, pacha ub'im kan i Dios che i mam Abraham ujer. I Cristo xuch'ij i k'ax le, man keje ile kok ni Lo'laj Utewal i Dios qu' yoj qonojel pacha usujum chqe chi qakub'am qak'ux che.

Alaj uri chi nti jun kel utz chwach i Dios we xa rumal u'anik pacha kub'ij i ujer atb'al tzij. Qeta'am ile man chupam uwuj i Dios keje iri tz'ib'talik: “Ni'pa i suk'ul kik'ux chwach i Dios, lik rumal ukub'ib'al kik'ux che ire, ike kkiriq ni kik'aslemal.”