I Versetti Biblici più popolari da ወንጌል ዘዮሐንስ 16

Condividi

ወዝንቱ ውእቱ ዘነገርኩክሙ ከመ በኀቤየ ሰላመ ትርከቡ ወበዓለምሰ ሀለወክሙ ሕማመ ትርከቡ ወባሕቱ ጽንዑ እስመ አነ ሞእክዎ ለዓለም።

ወመጺኦ ውእቱ መንፈሰ ጽድቅ ይመርሐክሙ ኀበ ኵሉ ጽድቅ እስመ ኢይነግር ዘእምኀቤሁ ወዘሰምዐ ዳእሙ ይነግር ወዘይመጽእሂ ይነግረክሙ።

ወእስከ ይእዜሰ ኢሰአልክምዎ ወኢምንተኒ በስምየ ሰአሉ ወትነሥኡ ከመ ፍጹመ ይኩን ፍሥሓክሙ፥

ወአንሰ አማን ህልወ እብለክሙ ይኄይሰክሙ እሑር አነ ኀበ አብ እስመ እመ ኢሖርኩ አነ ኢይመጽእ ጰራቅሊጦስ ኀቤክሙ ወእመሰ ሖርኩ አነ እፌንዎ ለክሙ። ወመጺኦ ውእቱ ይዛለፎ ለዓለም በእንተ ኀጢአት ወበእንተ ጽድቅ ወበእንተ ኵነኔ።

ወከማሁ አንትሙኒ ትቴክዙ ይእዜ ወባሕቱ ካዕበ እሬእየክሙ ወይትፌሥሐክሙ ልብክሙ ወፍሥሓክሙኒ አልቦ ዘየሀይደክሙ። ወይእተ አሚረ አልቦ ዘትስእሉኒ ኪያየ ወኢምንተኒ አማን አማን እብለክሙ ከመ እመ ሰአልክምዎ ለአብ በስምየ ኵሎ ይሁበክሙ።

አማን አማን እብለክሙ ከመ ትበክዩ ወትላሕዉ አንትሙ ወዓለምሰ ይትፌሣሕ ወአንትሙሰ ተኀዝኑ አላ ኀዘንክሙ ፍሥሓ ይከውነክሙ።