I Versetti Biblici più popolari da marqus 5

Condividi

yini‑as ilmma yasuɛ: «wa‑illi, ha‑kmmi tjjit ġilad ašku tumnt. zayd s‑sslamt tdust zġ‑tmaḍunt‑nnm.»

tlla ġ‑gratsn yat‑tmġart tuḍn yili‑bdda‑gis‑usggʷrd n‑idammn sin d‑mraw n‑usggʷas. trfufn ġ‑dar iṭbibn ggutnin, tfk kullu ma‑dars‑illan, sul‑ur‑tjji walaynni ar‑ġir‑ttzayad‑tmaḍunt‑ns.

tggr‑as, s‑bbin idammn, tssḥssa ġ‑ddat‑ns is‑tjji zġ‑tmaḍunt‑ns.

yamẓ‑as ġ‑ufus yini‑as: «ṭalita qumi.» tga lmɛna‑ns «wa‑tafruh̬t nniġ‑am, nkr‑d.»

sul a‑dids‑isawal s‑d‑uškan kra n‑mddn zġ‑tgmmi n‑umġar yayrus inin‑as: «han illik tmmut. a‑ur‑sul‑tssiḥlt amslmd.» imma yasuɛ isfld i‑mad‑nnan i‑umġar, yini‑as: «ad‑ur‑tiksaṭṭ. ġir amn.»

ašku yasuɛ inna‑yas: «wa‑ljnn‑an yʷh̬šnn, ffuġ zġ‑urgaz‑ad.» isqsa‑t yasuɛ ġakudan: «ma‑iga ism‑nnk?» yini‑as: «iga ism‑inu ‹mnnaw› ašku nkkʷni nggut.»