I Versetti Biblici più popolari da uMataayi 13

Condividi

Imbeyu zye zyágwiliiye pa nsi inyinza, shiholanyo isha vhantu vhe vhakulitejeelezya izwi nu kulimanyinsanya. Avhantu ivho vhe vhamo vhakupaapa amantonongwa 100, avhamwavho 60 na vhamwavho vhakupaapa amantonongwa 30.”

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Umuntu wonti we akulitejeelezya izwi ilya vhumwene uvhwa Mulungu ileelo atakulimanyinsanya, pe uMuvhiivhi ula akwinza nu kulisompola lye uMulungu alivhwaye mu mwoyo waakwe. Umuntu uyo akuholana ni mbeyu ye yágwiliiye pa luvhazu pi idala.

Imbeyu zye zyágwiliiye pansi pi iyalaawe shiholanyo isha vhantu vhe vhakwivwa izwi ilya Mulungu nu kuliposheela naluvhiilo ku luseshelo. Ileelo, mwe pe amazi muhati yaakwe gatiisile pansi nkaani, izwi ilyo likutendama ku havhaliilizyo hansi vhweleele. Amayimba poosye amalavha inga gamwaga kuzya izwi ilya Mulungu, naluvhiilo akulileha.

“Uvhumwene uvhwa Mulungu vhuholiine ni shintu isha nsavho she shizyisiilwe mu mugunda. Lwe umuntu wumo ashaaga, ahashizyiha havhili munuumwo. Pe ku luseshelo, ahasogola kukazya ivintu vwonti vwe áamile navwo, ahawukala umugunda uwo.

Izyamwavho zihagwila pa nsi inyinza. Pe lwe zyela, zimo zihapaapa amantonongwa 100, izyamwavho 60, izyamwavho zihapaapa amantonongwa 30.”

Muleshe vwonti vikule pooka, kufishila ahavhaliilizyo aha kuvuna. Ahavhaliilizyo iho, ndivhavhuuzya vhe vhakuvuna kuuti vhalundishe suuti indezye nu kuzipinya zivhe nsunzo, inga vhazipembe. Ileelo ingana vhayilundishe nu kuyisengula mu shanga shaane.’”