I Versetti Biblici più popolari da أيث-روما 2

Condividi

آي اَرْيَاز، إِيوَا مِين تْفكَّرذ؟ مَا اَذ تْنجْمذ زِي لْعِقَاب ن أَربِّـي وَامِي تْعيَّابذ خ يِيْنَا أُو شك تݣّذ ثْمسْڒَايِين-أَ كِيف-كِيف اَم نِثْنِي؟ نِغ ثْسحْقَارذ لْحَنَانَا يمْغَارن ن أَربِّـي ذ صّْبَر نّس ذ ڒْخَاضَر إِي غَارس؟ مَا وَار ثْسِّينذ أَربِّـي س لْحَنَانَا نّس يرزُّو اَش د يسْبيّن اَبْرِيذ بَاش اَذ تُوْبذ؟

إِذن آي اَرْيَاز، شك مڒَا تْعيَّابذ خ يِوْذَان، أَتَاف وَار غَارك بُو ڒْحَقّ مِين مَا ثعْنِيذ. لِأَنَّا خْمِي تْعيَّابذ خ شَان يِجّن، تْعيَّابذ خ يِيخف نّش، مَايمِّي؟ لِأَنَّا شك تݣّذ كِيف-كِيف مَامّش تݣّن نِثْنِي!

لِأَنَّا أَربِّـي وَار يتݣّ شَا س وُوْذمَاون.

لِأَنَّا يوْذَان وَار تْمصْڒِيحن شَا اَك أَربِّـي مڒَا تْصنَّاطن وَاهَا إِ وَاوَاڒ ن شَّرِيعَا؛ لَّا، يِنِّي يتݣّن اَرَّاي س مِين ذَايس ذِي شَّرِيعَا، أَتَاف ذ يِنِّي إِي يتْمصْڒَاحن اَك أَربِّـي.

ثُمَّا اَذ يخدْجس أَربِّـي مْكُڒ يجّن خ ڒخْذَايم نّس.

وَلَكِن اَغَارْسن يِيڒِي لْحِسَاب ذ لْعِقَاب غَار يِنِّي يرزُّوْن إِ يِيخف نْسن وَاهَا ذ يِنِّي وَار يتْطِيعِين شَا إِ لْحَقِيقَا ذفَّارن مِين وَار يدْجِين شَا نِيشَان.

وَلَكِن شك س ثْغنَّانْت-أَ إِي ذَايك ذ وُوْڒ نّش وَار يتُوْبن شَا تسْمُوْنِيذ اَغْضَاب إِ يِيخف نّش اَڒ يُوْم لْحِسَاب ذ لْعِقَاب، نْهَار إِي ذِي د غَا يمظْهَار ڒْحُكم ن أَربِّـي س ڒْحَقّ.