I Versetti Biblici più popolari da مرقس 12

Condividi

ينَّا-ٱس عِيْسَى: "ڒُوْصِيّث ثَمقّْرَانْت ذ ثَانِيتَا: صنّْطث آي أَيْث-إِسْرَائِيل، سِيذِي أَربِّـي ذ لْإِلَه نّغ، سِيذِي أَربِّـي ذ يجّن. أَذ تخْسذ سِيذِي أَربِّـي نّش، س مَارَّا ؤُڒ نّش، س مَارَّا اَرُّوْح نّش، س مَارَّا ڒَعْقڒ نّش، س مَارَّا جّْهذ نّش. ڒُوْصِيّث وِيس ثْنَاين ذ ثَانِيتَا: أَذ تخْسذ اَجَّار نّش اَمشْنَاو يخْف نّش. وَار ذِنِّي بُو شَان ڒُوْصِيّث كْتَار زِي ثِيْنَا."

ئِڒَاغَا-د عِيْسَى خ يمحْضَارن نّس ينَّا-ٱسن: "أَقَا تسْڒَام ڒْحَقّ: ثَاجَّاڒْث-أَ ذ ڒْمسْكِينَا وَاهَا ثݣَّا ذِي صّنْدُوْق كْتَار زِي مِين ݣِّين مَارَّا ينّغْنِي. مِينْزِي مَارَّا ينّغْنِي ؤُشِين زِي مِين خَاسن يزَايْذن ذ اَݣْڒَا. نتَّاث لَّا، وَاخَّا ذ ڒْمسْكِينَا وَاهَا ثْصدّق مَارَّا مِين ثعْڒم."

ئِقِّيم عِيْسَى ذِي ثمْزِيذَا ثَمقّْرَانْت زَّاث إِ صّنْدُوْق نّس. ئِࢲْرَا مَامّش ڒْغَاشِي سْرُوْسَان صَّذَقَا نْسن ذي صّنْدُوْق نِّي. أَطَّاس ن تْوَاجَر تݣّن ذِنِّي اَطَّاس ن تْمنْيَاث. ثُوْسَا-د يجّن ن ثَاجَّاڒْث ذ ڒْمسْكِينَا وَاهَا ثݣَّا ذِنِّي ثْنَاين يصُوْلْدَان، يعْنِي يجّن ن فْرَنْك.

أُو عَاوذ مڒَا بْنَاذم يتخْس سِيذِي أَربِّـي س مَارَّا وُڒ نّس ذ ڒَعْقڒ نّس ذ جّْهذ نّس اَذ يخس ؤُڒَا ذ اَجَّار نّس اَمشْنَاو يخْف نّس، مَانَايَا حْسن زِي بْنَاذم مڒَا يغَرص دْبِيحث يسّشْمَاض-يت قَاع ذِي ثْمسِّي نِغ اَذ يقدّم مَانَا كْتَار إِ أَربِّـي."

ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي." أُوْشَا قِّيمن تْعجّْبن ذَايس.