I Versetti Biblici più popolari da WAROMA 8

Condividi

Na luichi kya shindo shose Ruwa nekeṟunda hamu na walya, wamkundi na iwaonyisha wucha wose, nawo nyiwo wai-walahe kui kyama kilya kyake.

Kyamba njikusihye ke ma opfu ma moo ma wamalaika ma waitoṟi ma isho shiiho wulalu ma isho shekaa shiwe ili numa ma maapfinya mawe. Ma kilya kikuilikishye ngine-hu ma kilya kisokie ipfo shi ma mbika ingi njiwe shilechiidima iluletsana na mkundana fo Ruwa alukundi nafo furianyi na Kristo Yesu Mndumii odu.

Na wudo na Mumuyo akeri iludaṟa keluwikya ngaya hando lufafaa; kyamba so lulaichi chandu kiluwaṟi iterewa chando kiwuṟie isumhantso, kya indi Mumuyo amonyi ailuikayaho na masumukyo halechiwa ihamba.

Aka luhambe-se luda kya iki? Komkoya Ruwa ailuikaya aka ichu alufoye nyi wu?

Kyasia ili kii kido wulalu kwiho oseso lohoya walya wai Kristo-hu Yesu-pfo.

Kyamba shilya nyama-tso tsekekuelengya, nyi shiduo opfunyi, indi shilya Mumuyo fokekuelengya sho shiwika moo na ofoṟo.

Kya indi kya shindo sho kose shindo-shi shiluwode nyi lokia-ho lui wawinzi lukuwawie na ichu alukundi adi.

Kyamba ngahamba mawawiyo ha ki-wulalu halaṟingananyi na wuitoṟi wulya lochikaa luwutambaṟuyo.

Ichu echiluletsana na ikunda lya Kristo nyi wu ngesa? Ngesa kiwe nyi shiwira ang'u ikisokiso, ang'u iterengyo, ang'u nyi njaa ang'u nyi iwuṟa nguo, ang'u nyi ndenga; ang'u ifunyo oshu?

Indi msa motichya ngoo tsa wandu nyio sa aichi chuṟe tsa Mumuyo ai moterewya wandu wa Ruwa akundi.

Kyamba iwa wose wadao nyi Mumuyo o Ruwa nyiwo wai wana wa Ruwa.

Kyamba iwa wai wa mbuka ya nyama wo wekyechilio nyi shii sha nyama tso, indi iwa wai wa mbuka ya Mumuyo, wo wekyechilio nyi shii sha wai wa mbuka ya Mumuyo, wo wekehia shii sha Mumuyo.

Ruwa Amda alanunya ma Mana-chu oke kimumu mfi katana amdambika kipfa kyadu so lose, nyi wuda echida alaluinenga shicha shose, nalusumbe nasho ngesa?

Nao Mumuyo-cho nyi akusanzye na mumuyo-fu fodu kya iṟingishya ke nyi lui wana wa Ruwa. Indi kyamba so lukeri wana wa Ruwa nyi lui na waoṟi luchiambia mboṟa tsa Ruwa; lukamba waoṟi nyi lui na waoṟi weoṟa hamu na Kristo kiwe lohenda ikisokiso nao kundu lushike iwiko na wuitoṟinyi wumu nao.

Kipfa shilya nyama-tso tsekekuelengya shiende kituwa na Ruwa kyamba tsilaindye wuwawaso wo Ruwa madu, manya tsilaidima iwuta tsido.

Cha kipfa mweṟeṟukye fo mbika ii fuwedye mnu ke wana-wa wa Ruwa washike ihenda itambaṟuka.

Kyamba luichi ke shiwumbe shi shose shikeri itsika shiwodo nyi kinangananga shika wulalu cha ha okoki a.