I Versetti Biblici più popolari da HAGAI 1

Condividi

Mndumii menyi matorito nyi ahamba, achikienyi mahio hanu na muweteseheṟa ohendo lonu. Ambuyenyi mulewaaya mbeu tsifoi mukasambuo kitutu; mkowelya manya mulaihude; mukanyo mulawute wuangari; mkaṟaa nguwo indi kuwode moicho mrikepfo; na icho moambia wueri kawika mfukonyi futochikyetochikye.

Donyi na mtsudu, muhende imanya mashidi muwike mba, na inyi njichihiṟo nyiyo, njiichiko, Mndumii ahamba. Muwelangye shifoi, ate mkawona shyangu; lilya muleende na kanyi ngashiwiwita. Nkipfa kya iki? Mndumii menyi matorito ahamba. Nyi kipfa kya mba yako ii ikeri inyamaṟika, nanyo mukadichya orio mndu kanyi koke.