I Versetti Biblici più popolari da Mâk 13

Condividi

Ben ba/chi ba-kûsa kángkáng banet kafâ ké bubwô ejí. Nké nang yeě nké o/ryí ofit tata o-kpú, Osówo o/chi o-nyii ǎ.

Bám m̂ byiko ba-tún n achi, ké ebóng, ba*fí ba-nyît ng nkéré mú nkéré ámu o/chi o-bâ*.

Nké â nkéré mú baa/kám běn ba-da-fé ké esuk, *da n̂g echi ba-kérê ne nkéré o-kûfyi* kyi-kim ne ńkyí ben ba/chi ba-sét*. Nké sét n̂g nang ebóng ńkyí Osówo o/chi o-kye běn ké nkéré ámu. Ké ebóng, *chí ben nké ba/chi ba-raa*. Busun-Osówo nké bu/chi bu-raa.

Bubóng ne esí byi/chi byi-man, nké ejá ejí ee*ba/chi e-waa kyísí ne banyá*.

Onet nang obónge o*fí mú odanyît dyicí ándyi* nang ochíchí-nkéré mú dyicí ándyi dyi/chi dyi-bâ*. Nang barím ḿbé banong ḿbé kyíbóng ba*fí ba-nyît ng*. Nang Wǎn-Osówo o*fí o-nyît ng*. Bonchí ejí kǎnchí nké mu o-nyît ng.

Ofong o*dachi o-kédê běn* â ba/jwo kyi-kim ne byití ḿbyí byi/firi nyín jwángjwáng* nang bapem kyi-kim ne byití ḿbyí tete*. Azong-byěm ányi a-man a-chi. Nké kyi*da/byí kyi/fu, nkuli kyikû-nkéré oo/fyi*.

Ben to kû n̂g ebám kâng, ké ebóng, ben ba*fí ba-nyît ng nkéré mú oyén-kyise odafyi*. Nang o-fyi ng ké dyikurúku o, nang ké kyirê-buchú o, nang ké etúkwa nyí kashú o, nang ké dyicófóróng o. Â o/byí běn kiǐmút, o*dachi o-kâm běn ba-kú ba-rê ng*. Ńkyí mu n-sét ng běn kâng, mu n-sét ng kángkáng banet n/fu, bám m̂.

Oshê ne oshê ba/chi ba-kûnwa ne barî. Batu ne batu ba/chi ba-kûkye barî bunwa. Esí e/chi e-náng ké kángkáng byikit, ne esong to e/chi e-róng. Nké byěm ḿbyín ányi kiimkpet kyikû-busông.

Banet ba-man ba-sét kpá kángkáng banet ḿbé ké ejíí Bǎmpém ḿbé Banong.

Banet chwóó ba/chi ba-bâ ké dyizîn ejí ba-kûraa ba/fu, dǐi, me nké mu onet mú Osówo o/kúng ǎ butu. Ne mbé ba/chi ba-nîm banet chwóó.

Ben ba-man ba-kûbám byiko enen. Banet bakíri ba/chi ba-kám běn ba-da-fé ké esuk. Ba/chi ba-mín běn ké byise-ékwâbashi ḿbyí banet-Jûs, ne ben ba/chi ba-bwom ké bushú-batu-ashí ne ḿbú batu-eshê ké bubwô ejí, eringe nyí badasét kámbé Bǎmpém ḿbé Banong.

Ké ebóng, bannîm banet ba/chi ba-byí ba/fu, mbé nké Osówo o/kúng kámbé butu, ne bamkpábé to ba/chi ba-byí ḿbé badasét byisédéng éné wǎ mbé mbe ba-sét ng ké bubwô ḿbú Osówo. Mbé ba/chi ba-kûtông ekap ne akat, eringe nyí badanîm banet ḿbé Osówo o/cá kámbé, â ba-man n enîm.

 nkéré ámu mú afaníkong ányi oo/man, óbyísû o/chi o-róng kyifip, otukáku to oo*ba/chi o-chîsan*. Ékpére e/chi e-fím kyíbóng e-róng kyísí, ne busa to ḿbú bu/mû bu-níbî ng byěm ḿbyín kyíbóng bu/chi bu-náng.