I Versetti Biblici più popolari da Mátyuu 19

Condividi

Jisos o-bírî achi o-tún kámbé, o-raa o/fu, ńkyín banet baa*man echi* nké Osówo o-man n echi nang ebóng chwǒm.

Mbé kâng ba*fí to banet bafee* nké ba/firi onet obónge. Onet oo*man o-pap kâng ńkyí Osówo oo/cibi kyikit kyibónge*.

Jisos o-faa o/fu, nâng ben baa/kó ejá-Osówo ńnyín nyí ba/sáng kyísí nyí e/fu, ké kiimkpet kyikû, Osówo o/chi kámbé onyinchéng ne onyinyi, ne nyǐ o-raa o/fu, ké bubwô ḿbún, onyinchéng o/chi o-mîng bonchí emen ne boné emen o-cibi ne onyi emen, ne mbé ashí ebe afee ba/chi ba-firi onet obónge.

Jisos o-faa o/fu, mîng n̂g ḿbé boǒbwásíng ba-bâ ba-kâm mě, *da n̂g eku kámbé* ké ebóng, banjware ḿbé Butu ḿbú Osówo ba/já banet ḿbé mbe wǎ boǒbwásíng ḿbún.

Nké banet chwóó ḿbé mbe bambwôp kashú kántîk ba/chi ba-ryí esim, ne banet to chwóó ḿbé mbe banryî esim kántîk ba/chi ba-bwóp kashú.

Ne nang yeě to mú oo/mîng byise nang bwǎn-bané emen nang bonchí nang boné nang bwǎn nang aká-byifát ké dyishí ejí, nyǐ o/chi o-chîkoo byěm ámbyi kampén bajam batánge, ne Osówo o/chi o-kye ǎ dyikpen ńdyí ne banyá.

Jisos o-faa ǎ o/fu, â wo amu a-ryuu ng a/fu, a-kyú u onet mú onong, ca a-da-shee kángkáng byěm eyên ḿbyí amu ne mbyí, a-yip akpuga ányi a-kye banet-kyikpu, ne wo a/chi a-fang kyíbóng. A-bwa kâng esim a-kûcen ne me ké kyikû.

Jisos o-faa ǎ o/fu, ebóng kyi/chi ne a-bí mě me kyi-kim ne chwǒm ńkyí nkyi kanong. Kyi*da/shwôm Osówo kǎnchí nké mu kanong*. Kûtî byije, â wo amu a-ryuu ng a/fu, a-nung ng ké dyikpen ńdyí ne banyá.

Me mu n-chî ng běn esét n/fu, kyi-sóng ng ńkyí nfang-onet odanung ké Butu ḿbú Osówo, kyi-shwôm ńkyí kaanyam-atû kadasát ké mbyí-ága.

Me mu n-sét ng běn kâng n/fu, nang onyinchéng orá nké o/man dyibé ne onyi emen, nang ké onyi emen o*da/chi kyinam* onyinchéng ámu mu o-chi i kyinam, â nyǐ o/bé onyinyi okíri.

Jisos o-raa kâng ne bǎmgbán emen o/fu, me mu n-sét ng běn n/fu, kyi/chi kyi-sóng kanong kanong ne nfang-onet o-nung ké Butu ḿbú Osówo.