I Versetti Biblici più popolari da Máláka 3

Condividi

Bâ n̂g ne eyáré enen nyí badakye kyikit kyibónge ké byikit diǐkpú kerededet ké kiǐtí-kyise-kyifen ejí echi, eringe nyí byiryíng byidajê ké nkyí. Kan n̂ mě, ne ben ba/chi ba-ri ba/fu, me n/chi m-bâa afyi nyí bubóng n-kye běn eyáré nyí kángkáng azong-byěm ḿbyí byinong.

Mm*ba/chi m-bángê agurubí a-bên běn byíkwôn* ne byíkwôn enen byi/chi byi-zím chwóó. Ne kángkáng eshê nyí ké ejíí e/chi e-kó běn banet ḿbé mbe ké bunyîn-dyityém, ké nǎ, esí enen e/chi e-kú mě enyîn.

Óburúkpâbí mú o/rêe o-shwôm mu o-raa ng o/fu, mbé ba/chi ba-kyú banet ejí. Ké dyicí ńdyí n/chi n-faa ojá, mbé ba/chi ba-kyú banet ḿbé ejí me oyén. Me n/chi n-ri kámbé bafip wǎ eringe nyí bonchí mu o-ri ng wǎn emen mú mu o-kyâ ǎ ofê bafip. Banet ejí ba/chi ba-chîri ńkyí kyidachi onet mú onong ne ńkyí kyidachi kyibî-onet, ne ńkyí kyidachi onet mú mu o-fâ mě ne mú o*fí o-fâ mě*.

Óburúkpâbí mú o/rêe o-shwôm o/faa o/fu, n/chi n-twóm [onet-kyitwóm ejí] o-ba-bwât kiǐfáng o-tî mě. Ne Óburúkpâbí mú ben bamu ba-kyé ng o/chi o-bâ ké kiǐtí-kyise-kyifen emen echi baa*tî ekpu*. Onet-kyitwóm mú bamu ba-ryuu ng ba/fu, ben ba-ri ng o/chi o-bâ o-ba-sét ocím ejí mú n/ryí n-sem byiko ejí.