I Versetti Biblici più popolari da Lûk 7

Condividi

Me mu n-sét ng ǒ kâng n/fu, kiǐtí-kyijé ńkyí nyǐ oo/tông kyi/tông kyi/fu, byibî emen ámbyi chwóó Osówo oo/pwoo ǎ kámbyí. Onet mú ba/pwoo ǎ boǒnyín-byibî o-tông ng to kaǎnyín-kyijé. Ne Jisos o-raa kâng ne mú onyinyi ámu o/fu, Osówo oo/pwoo ǒ byibî eyên.

Nké Jisos o/sét mú onyinyi ámu o/fu, dyityém eyên ńdyí a/fé ne me dii/nyii ǒ, jâ ne bunyîn-dyityém.

o-da-bwom Jisos ké esim, ké byiká emen. O-kpet etii o-cok ng Jisos abe-byiká ne batíí. Ne o-yip kâng eji emen o-shî Jisos byiká, o-yip byibî-ocím emen o-nyám kámbyí, ne o-yip bakút-kyinung ámbe o-pwó ǎ ké mbyí.

nang me to n*da/kabe n/fu, n/kwárê mú ndabê me oyén n-kâm ǒ*. Nké raa ké ejá éja, ḿgbán ejí o/chi o-nyange. Me to mu onet mú mu ké bubwô ḿbú bakínkán-banet-ashí-basúja ne me mu to ne basúja ḿbé mbe ké bubwô ejí. Me n-sét ng mún n/fu, dim, o-dim. N-sét mú áku n/fu, bâ, o-bâ. M-bwa n-sét ósóng ejí n/fu, chi ńkyín, o-chi. Ké nkéré Jisos o/jwo ńkyín, kyi/chi ǎ wǎ chwǒm-akat. Ne o-bírî o-raa ne bujê-banet ḿbé mbe ba-bâ ǎ ké kyikû o/fu, me mu n-sét ng běn n/fu, nang ké Ézerel, me n*da/ri ne dyizong-dyityém efé ńdyí onet o/fé ne me wǎ ńdyín*.

Ké ochíchí-nkéré ámu, Jisos o/chi banet chwóó kángkáng azong-byirwóm ebe a-man. O-ró to byibî-bací, o-chi to bansêe achi chwóó ba-kpet erángê. Ne o-faa banet ḿbé Jǒn o/twóm kámbé o/fu, bwa n̂g esim ba-da-sét Jǒn ńkyí ben baa/ri ké achi, ba-jwo to ké atông. Bansêe achi ba-kú ba-rángê e, bankwa ba-kú ba-cen n, banet-kyibî-orwôm ba-kú ba-nyange e, banrwôm atông ba-kú ba-jwo ng, banet ḿbé ba/mû baa/kpú ba-kú ba-jwóbê ng, banet-byikpu ba-kú ba-jwo ng Bǎmpém ḿbé Banong.