I Versetti Biblici più popolari da MATIYO 7

Condividi

“Aw k'aw ka makoyafɛn dali Ala fɛ, a bɛna o d'aw ma. Aw mako bɛ fɛɛn min na, aw k'o nyini, aw bɛn'a sɔrɔ. Aw ka daa kɔkɔ, daa bɛna yɛlɛ aw ye.

Bari mɔgɔ o mɔgɔ man'a makoyafɛn dali Ala fɛ, Ala bɛna o di o tigi ma. Min mana a makoyafɛn nyini, o tigi b'o sɔrɔ. Daa bɛna yɛlɛ dakɔkɔbaga ye.

“Ne ye kuma minw fɔ sisan, ni mɔgɔ min y'o labato, o tigi bɛ i n'a fɔ hakilitigi min y'a ka boon lɔ fara kan.

“Aw b'a fɛ mɔgɔ tɔw ka koo min kɛ aw ye, aw fana k'o nyɔgɔn kɛ u ye. O le fɔra sariya ni kiraw ka sɛbɛw kɔnɔ.

Aw ka sirafitini ta ka taa don ni dafitini ye, a taama kɔni ka gwɛlɛ, a taabagaw man ca, nga a bɛ taa ni mɔgɔ ye hɛrɛ yɔrɔ la.

“Aw ka sirafitini ta. Siraba kɔni taama ka di, nga a bɛ taa ni mɔgɔ ye halakiyɔrɔ la. Mɔgɔ caaman do b'o le ta.

Aw minw ka jugu, n'aw bɛ sɔn ka fɛnnyumanw di aw ka deenw ma, aw Faa min bɛ arijana na, ale tɛna fɛnnyuman di a dalibagaw ma ka tɛmɛ aw ta kan wa?

“Aw kana tɔw kiti, janko Ala kana aw kiti. Aw bɛ tɔw kiti cogo min na, Ala bɛna aw kiti ten. Aw bɛ tɔw kiti k'u jalaki cogo min na, Ala fana bɛna aw kɛ ten.

Nga, mɔgɔ min b'o kuma mɛn, n'a t'o labato, o tigi bɛ i n'a fɔ naloman min y'a ka soo lɔ cɛncɛn kan.

Kalafitini min b'i balima nyaa na, mun na i b'o filɛ k'a sɔrɔ lɔgɔkuru b'i ta la? I m'o lɔn? I bɛ se k'a fɔ i balima ye cogo di ko: ‘A to n bɛ kala nin bɔ i nyaa na’, k'a sɔrɔ lɔgɔkuru b'i ta la?

“Mɔgɔ minw bɛ galon tigɛ k'olu ye kiraw ye, aw k'aw yɛrɛw kɔlɔsi olu la. N'u bɛ na aw fɛ, u b'u yɛrɛw kɛ sagaw ye k'a sɔrɔ waraw lo. Aw bɛna u lɔn u ka kɛwaliw fɛ. Mɔgɔ tɛ pekun tigɛ ;nɔniyiri kan. Toro fana tɛ sɔrɔ balansanyiri la.

Yirinyuman deen le ka di, nga yirijugu ka deen man di.

Yirinyuman tɛ se ka denjugu kɛ, yirijugu fana tɛ se ka dennyuman kɛ.

Yiri o yiri tɛ dennyuman kɛ, u bɛna o tigɛ k'a fili tasuma na.