I Versetti Biblici più popolari da VAROME 8

Condividi

Neese mmbo lwiishi Iruva mmbo arundaa ando amwi na valya vankunndye evawonisyaa mesha, mmbo valya vakee vavaange shaasa akunndye.

Mashika mmbo shammaa imanya na nshusshwa sheelyi, nta ufu ao muu, ao vasu, nta yewo vatiri ushilyi, nta yefi fiiyo ao yefyo fishaa numa, nta yewo vatiri wiidimi, nta efyo fikee uwe ao yefyo fikee-si, ao nta kyuumbe kingyi kyoose nkishiidimaa ilurauwa na ikunda lya Iruva yelyo lyuukye kwa Yesu Kristo Nndumi weeru-fo.

Ni indo na Mumuyo nawe mmbo alweekyaa ufwafwa lweru, mashika elyi lulaishi itereva shaasa kisumani; kyaindi Mumuyo muni mmbo aluterevya neerosa uuwo kindo kilavaa yaamba.

A kya efyo fyoose lukaambany inda? Iruva kankaa taari yeeru ni vi ashiidimaa ilukyinga?

Naasany ulaalu, nkukyiifo uvingo lwa yoorotwa kwa yewo vakee nnang'ani ya Kristo Yesu-fo.

Mashika kirengo kya mwiili ni ufu kyaindi kyirengo kya Mumuyo ni muu na ufoo.

Kyaindi nnang'ani ya efyo fyoose mmbo lukeevinga na mmwasi yeevinga, kyeendwa mmbwe yeto alukunndye.

Mmbo shilollye sheelyi ngatara yeti tiifo ulaalu nshi kindo, elyi shatiinanisa na itumbe elyo lushelyimywa.

Ni vi ashelurauwaa na ikunda lya Kristo? A ndesa ni ukyiva ao ngatara, ao ni fyuure, ao nshaa, ao ni ikuuywa, ao ni nrenga ao ni ufu?

Na yeto aishi mirima ya vandu mmbo aishi ngata ya Mumuyo shaasa ikai, mashika mmbwe ava mwiterevya veele shaasa Iruva akunndye.

Mashika valya vakee iteterwa Mmumuyo wa Iruva mmbo vakee vana va Iruva.

Mashika valya vakeelatya mwili mmbo vakekusara mbony ta mwiili; kyaindi valya vakeesora mbony ta Mumuyo wo mmbo vakeekusara mbony ta Mumuyo.

Yeto alelotora aleima mwana wakwe kyimaruma kyeru yese loose, mmbo araa inda nalalulyimya findo fyoose ando amwi nawe?

Mumuyo Mweele mmbo akureeka ando amwi na mirima yeeru sheelyi yese mmbo lukee vana va Iruva; na kimmba lukee vana va Iruva, mmbo lukee veni ding'u, veni ding'u va Iruva, yewo vashekaa na Kristo, yee, lwiilyiswaa ukiva nawe ulaalu numa lusherumishwaa ando amwi nawe.

Kyimmba kirengo kilya kya mwiili ni ukiduva na Iruva, mashika elyi kilashiindyaa mavavaso a Iruva, nta nkishiidimaa iinndya-fo.

Mashika naakwa mfyuumbe fyoose mmbo fivikye nsia nnum isheorwa paa itumbe lya vana va Iruva.

Mashika fyuumbe fyoose mmbo fikee ngatareny fika ulaalu.