I Versetti Biblici più popolari da YOBU 2

Condividi

Nka wakwe kammbia, “Kwiifo da kushiindya Iruva? Nkyeni kwelyamara kufwe.” Yobu karouwa nka wakwe, “Yewe mmbo kwarera sha nka nrung'ani. Elyi kulewarya findo fisha fyuuka kwa Iruva, a ni indaany kulemaa iwarya na efyo fikasha fyooka kwakwe?” Naakwaa nyeli efyo fyoose filenkooya, Yobu nyalerera nta irero lya ilyamarya Iruva-fo.

Kavia Satana, “A ndesa kwammilla ishinga lyakwa Yobu? Ulaniny nkwiifo ungyi akee shawe-fo. We ni nndu mworotu, mwiindya Iruva na mwiikwiisa na uravi. We mmbo akee nndu nsaari na mwoorotu ra na elyi kuleshaaya naambo shimmamite kyaruu.”

Naasa kavia Satana, “Kyasya! Kushiidimaa intannya shaasa kukundaa indi kulammbwee-fo.”

Mbuya vararu va Yobu: Elifasi aukye Temani, Bilidadi aukye Shua na Sofari aukye Naamathi, valeita renga shoose tilewoya Yobu. Naasa vakakuvaanga veende amwi indevikya Yobu kilyilyika. Kyeeri valenlolya vekee kwaasha nta valemmanyi. Naasa vakaonisa ngyunyanga vakaffwa; vakarandwa soori tawo. Vakafalya kiluulyi mirweny yaawo. Nalyo vakakaa rembo uteriny amwi na Yobu andu a mikonu mfungare kio na nsanyiny, nta valarouwe kindo ni elyi valelolya ukiva lwakwe shaasa lung'ani nnu.