I Versetti Biblici più popolari da ESEKIELI 37

Condividi

Kashivia lyingyi, “Awuya kisuku maffwa yaandi, kwaavia, ‘Yeni maffwa moomu, aranyiny irero lya Nndumi Iruva. Nndumi Iruva avia maffwa yaandi marero yaa: Lola mmbo shishevika mumuyo wakwa nnang'ani yaany, neeni mushesalalaa.

Neeny shishevika miraari uwe yaany, neeny shisheende nyama uwe yaany, neemusikya na kishong'u, shishevika mumuyo nnang'ani yaany, neeni mushesalala, llyo mumanyaa sheelyi yeny mmbwe Nndumi Iruva.’”

Kashivia, “Yewe mwana wa nndu, maffwa yaa ashiidimaa isalala?” Neeny sharouwa, “Woi Nndumi Iruva, ni yewe kwiishi.”

Shaolokywa ni finya ya woko lwa Nndumi Iruva, uwe yakwa, kashisomuta poo kwa shia ya mumuyo wa Nndumi Iruva; kandeshifita imungony nnang'ani kundo kwiishwe maffwa moomu. Kandeshiita kufii nalyo taari toose, ate mmbo kweishwe maffwa meengyi nnu kulya imungony lyilya! Nang'u mmbo yekee moomu pony.

Naasa shaawuya kyisuku ndesa shilevavasywa; kyeeri shekeeyawuya kyisuku; kukaitiwa ntiri niini nnu kukasanga-fo na kidina-si, na maffwa alya akasembeya iffwa kwi iffwa lyingyi. Shalola, ate! Kweifo miraari uwe yavayo, nyama ikasha uwe yavayo, shonyi ikasikya uwe yavayo, indi kkweifo mumuyo nnang'ani yavayo-fo.