I Versetti Biblici più popolari da YUUKA 2

Condividi

Iruva keeta kiiyo kyawo, Iruva kakummbwa kyaasa kilya kyakwe alevikkya Abrahamu na Isaki na Yakobo. Iruva kalollya ilyiswa ukyiva lwa vana va Israeli, na Iruva kamanya ukyiva lwawo.

Naasa numa ya mikonu yeyo mangyi wa Misri kafwa; vana va Israeli vakarovywa kimaruma kya ushinga elo, vakakapa kiiyo kyikarwa kikafikkya Iruva kimaruma kya ushinga elo.

Mwana kang'ana, maye kamweende kwa mfu wa Farao, kava mwana wakwe. Kanfishya irina lyakwe ni Mose, kaamba, “Ni elyi shilemuuta mureny.”

Mfu wa Farao kammbia, “Ipoo mwana yeu kusheekkye imoota, neeny nshekuningaa weesi lwafo.” Nka ulya kawarya mwana ulya kandemoota.

Naasa mfu wa Farao kaoloka naambo nandekusangya efo mureny, na fishinga fyakwe fikarua-rua efo mbai ya mura; nawe kalollya kiisambi kilya kulya mureny, karuma kyishinga kyakwe naambo nandekyeende.

Naasa, Mose ekiva nndu nniini, nkonu umwi kakupoo keenda kwa vana va maye, nalole mario awo. Kalollya Mmisri akeekapa Mwebrania, mmbwe umwi wa vandu vakwe. Kalola efo neefo, eekilollya nkwiyo nndu, kakapa Mmisri ulya kansuruma nsangeny.