I Versetti Biblici più popolari da Vaefeso 1

Condividi

Miso any na mirima yaany yeengere imikywa nsa, naambo mumanyi ivika nsia kya uvaango lwany shaasa lukai, na usimba lwa itumbe lwa ding'u yakwe kwa veele shaasa lyikai. Na utore lwa uniini lwa wiidimi lwakwe lukee nnang'ani yeeru yese lukusirye shaasa lukai, kiinani na urundi lwa finya yakwe. Llo elo alelwiinutya kwa Kristo llya alennduta kauka kwa vafu, kammbika yoo woko lwakwe usha efo ulaniny yelo lwa mumuyo. Kanrosa uwe nnu ngota ngyumangyi toose, na wiidimi na finya na ushilyi, kailanya wo irina lyivaa isenda, nta nshi yaa ulaniny-da-fo, naakwa ni yefo ulaniny elo lwiishaa.

Shaasa alelusauwa lukee va Yesu uka llya kulaore ulana lwemmbeiywa, naambo lukooye iva veele, luveva vandu valatiri mbese mbee yakwe lukae na ikunda. Mashika mmbo alesongwa ilusauwa, naambo luvikwa vana vakwe kwi Yesu Kristo, shaasa alekunda we muni.

Kyeendwa mmbwe na kimaruma kya samu yakwe yese lukawonisa iwowowa lyeru, na ifwaaywa kya ulyamari kiinani na usimba lwa isarya lyakwe.

Iruva nang'aniswa, we Nde wa Nndumi weeru Yesu Kristo, yeto aleluvikya mbora takwe ta nriminy, ulaniny elu lwa kimumuyo lukee lwa Kristo.