I Versetti Biblici più popolari da Vakolosai 2

Condividi

Naasany shaasa mulewarya Kristo Yesu, we Nndumi weeru, endeny indo indo mwikee nawe; mwiikulungye neekutira nawe, muveva vakaari efo iirikyony, shaasa muleloshwa; muveengera iva va kyaanu.

Loleny mukwiise kulasheeva nndu amukamara mifungwa na urango lwa ing'ana neemulemba, shaasa miishivye ya kivandu ikai, na filoshyo fya uraatony efyo fya kiulana filya fya mbee, filakee fya ngata ya Kristo.

Na yeni llya mweefiiye kimaruma kya makasha any na ira mularinwa, kamuviirya muu ando amwi nawe, ekyimaa imfwaaya makasha moose, kamaa na yaangata barwa ilya yeemutya uvingo ikavika kiduva kweru, kayuuta-u deny neikapya nsalabeny

Mashika yoo kwakwe nng'u usongovisi loose lwa Iruva lukai, efo mwiiliny. Na yeni mukasongoviswa yoo kwakwe we akee nrwe wa itumbe na wiidimi loose.

Naasany kulave nndu amuutya uvingo kimaruma kya fyeelya ao fyeena-fo, ao kimaruma kya mikonu miniini ao ilollyo lya mwiiri-fo, ao nta kya sabato-fo; yefyo fyoose m-firishe fya findo efyo fishaa; lyo mwiili ni wa Kristo.