I Versetti Biblici più popolari da Pwärätä 16

Condividi

“Nengeni, üpwe feito usun eman chon solä! A feiöch ätewe mi nenela o tümwünü üfan kewe, pwe esap fetalfeil lon an selela o säw ren aramas.”

Mürin ewe awonomanün chon läng a ninätiu masouen sepian we lon ewe chanpupu Oifrat mi fokun watte. Iwe, ewe kolukun lon a pwasetä, pwe epwe fis efoch al fän iten ekewe king repwe feito seni ötiu.

Ir anün rochopwak mi föri manaman. Ekei ülüman ngün ra feila ren ekewe kingen unusen fanüfan ar repwe achufengeniir, pwe repwe maun lon ewe rän mi lap än Kot ewe mi Unusen Manaman.

Mürin üa küna ülüman ngün mi limengau ra wewe ngeni kairü. Ekei ngün ra towu seni lon awen ewe trakon, seni lon awen ewe manmwacho, pwal seni lon awen ewe soufos chofona.

Ra kar ren watten pwichikaran, iwe, ra otteki iten Kot, ewe mi wor an nemenem won ekei feiengau. Nge resap mochen aier seni ar tipis o alinga Kot.

Iei mine ewe aemanün chon läng a feila o ninätiu masouen sepian we won fanüfan. Iwe, och sokun ruup mi fokun ngau o metek a pwäwu me won chokewe mi eäni asisilen ewe manmwacho, pwal won chokewe mi fel ngeni uluulun we.

Mürin ekewe ngün ra achufengeni ekewe king lon ewe leni mi iteni lon kapasen Ipru Armaketon.