I Versetti Biblici più popolari da Ipru 11

Condividi

Iwe, iei wewen lükü: sia alletätä ekewe mettoch sia apilüküni, sia pwal silei usun mettoch mi wor sisap tongeni küna. Ren ar lükü ekewe aramasen lom ra küna iteüöch me ren Kot.

Esap wor eman a tongeni apwapwai Kot are esap wor an lükü. Pun iö a feito ren Kot epwe fokun lükü pwe mi wor Kot, nge epwe ngeni chokewe mi kütta i liwiniir.

Ren ach lükü sia tongeni weweiti pwe läng me fanüfan ra för ren än Kot kapas, pwe mine sia tongeni küna a fisitä ren mine sisap tongeni küna.

Ren än Apraham lükü, a aleasochisi Kot lupwen a köri pwe epwe towu seni fanüan o feila ngeni eu fanü Kot a pwon ngeni pwe epwe fanüeni. A feila seni fanüan, nge esap silei ia epwe feila ie. Ren an lükü a nonom lon ewe fanü Kot a pwon ngeni usun eman chon ekis. A nom lon imw mangaku usun chök pwal Isaak me Jakop, ätekewe mi pwal angei ewe chök pwon me ren Kot.

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

Ren än Enok lükü, a fis pwe esap mäla. Kot a angeatä läng, iei mine esap wor eman a chüen tongeni küna. Pun a mak lon ekewe Toropwe mi Pin, pwe mwen än Enok feitä läng, Kot a pwapwa ren.

Ren än Epel lükü, a eäni ngeni Kot eu asor mi mürina seni än Kain asor. Ren an lükü Kot a alletätä pwe i eman chon pwüng, pun Kot a tipeeu ngeni an lifang kana. Ren än Epel lükülük a chüen afalafal ikenai, inamwo ika a fen mäla.

Ren än Apraham lükü a wiliti eman sam, inamwo ika a fokun chinlap, pwal Sara a rit. Apraham a lükü Kot an epwe apwönüetä mine a eäni pwon ngeni.

Pun Apraham a witiwiti ewe fansoun pwe epwe nom lon ewe telinimw Kot a föri liosun o aüetä, ewe telinimw a wor longolongun esap tongeni tala.

Ren än Moses lükü, esap mochen an epwe iteni nöün nöün ewe king föpwül lupwen an mwän. A filätä an epwe eti nöün Kot kewe aramas le riaföü, lap seni an epwe pwapwaiti tipis lon ekis chök fansoun. A ekieki pwe an küna itengau fän iten ewe Mesaia a aüchea seni wöün Isip, pun a nenengeni ewe liwin epwe angei me mürin. Ren än Moses lükü, a likitala Isip, nge esap niuokusiti än ewe king song. Moses a chök likitü, pun usun chök nge a küna ewe Kot sisap tongeni küna.

Ren än Apraham lükü, a eäni asor Isaak nöün we, lupwen Kot a sotuni. Apraham, ätewe Kot a eäni ewe pwon ngeni, nge a fen molotä an epwe eäni asor nöün we aleman

Ren än ewe fin lisowu Rahap lükü, i esap ninnila usun chokewe mi aleasolap ngeni Kot, pun a etiwa ekewe chon Israel mi operi ewe fanü.

Ren än ekewe chon Israel lükü, ra tolong o fetalela epek ewe Setipar usun chök ar fetal won fanü mi pwasapwas. Nge lupwen ekewe chon Isip ra sotuni ar repwe föri iei usun, ewe sät a amopuretiu.

Ren än ekewe chon Israel lükü ewe tittin Jeriko a turutiu mürin ar karisfeil ünükün lon ükükün fisu rän.

Ren an lükü a föri ewe Pasofer o a allük pwe repwe äsupu chaan ewe mönün asor ngeni penkasamen imwer, pwe ewe chon läng mi ni aramas esap niela mwänichien nöün ekewe chon Israel.

Ren än Josef lükü, a kapas usun än chon Israel towu seni Isip o amwirimwir ngeniir usun mine repwe föri ngeni chün, lupwen an fetal ngeni an epwe mäla.

Ren än Jakop lükü, a afeiöchü nöün Josef kewe ät me mwen an epwe mäla. Iwe, a itetiu won wokun we o fel ngeni Kot.

Ren än Isaak lükü, a eäni pwon ngeni Jakop me Esau pwe repwe feiöch lon ekewe fansoun repwe feito.