I Versetti Biblici più popolari da Loomë 12

Condividi

Keelaanu lulëlaandë sinsalulu si buloongo be buubu kasi biikaanu Nzaambi wulucitulë i wuluvaanë mëlyeelë mëmoonë. Boobo beeno lum'podi kubakulë linë Nzaambi kun'toombë : linë like liboti, linyeefë i lifwenikini.

Baanë bë nguli, bo Nzaambi waleesi buboti bwaandi mu beeso, yin'loombë luyiyindulë nyitwiinu dedë mweekë bivakuli bi moonyi, bi saantu, bëbëlikë mu Nzaambi. Mati waawu n'saambu wumboti lukun'vaanë.

Baanu mu nyeenzi mu cibilë ci civuufu ciinu, Cimbaanu moonyi mu binkuungë. Sambililaanu yimunë lusulumunu.

Keelë libi lilëkuvwaatë. Vaangë buumë mu kuluungë mpakë mu libi mu kuvaangë liboti.

Lwe baanu luzolo mu benuveekë yi benuveekë bo baanë bë nguli bën'zolësënaangë. Baanu buvavambë mu kuyicinzikë benuveekë i benuveekë.

Luzolo lufwenikini kuba lucyelikë. Maangaanu libi, kangëmaanu mu liboti.

Ningë lyaawu lim'podi kuvangënë, i mooti like mu n'swiinu, baanu mu n'sikë yi baatu bakë booso.

Baanë yaamë bë nguli, keelaanu lulë vutulaanu fuutë benuveekë, kasi biikaanu likaanzi li Nzaambi limonikë, cibilë libuungu li Nzaambi lin'tubë : « Miinu yifwenikini kulunwaninë, yin'vaanë n'seendo mu beeno », bëtubilë Fumu.

Baanu yi n'viingu i bikaanu boolo. Salilaanu fumu yimunë n'timë wuwaalë buvavambë.

Mu cibilë ci likabu linë Nzaambi wukum'pandikë mu buboti bwaandi, yin'tubilë obo mu beeno booso: keelaanu lulëyituunvi benuveekë mu kumonikë bënenë. Tiilyoko, lwe baanu simbalulu simboti, kadë muutu mu likanë lu ciminu cinë Nzaambi kun'vaanë.

Keelaanu lulëvutulë simbi mu simbi. Vangaanu simboti fë ntwaalë baatu bakë booso.

Lwe baanu muutu mweekë benuveekë yi benuveekë. Leembwaanu kuyizanjikë, kasi cikunaanu bisalu bike kwaandi vwiili. Keelaanu kuyileesi ti beeno bangë bungelë.

Kasi yivaandi : « Ningë mbeenyaaku ke yi nzalë, n'vaanë ci kulya. Mooti ke mu mpwiilë, n'vaani ci kunwa. Cibilë, mu kusiilë katyoobo, mëkalë më mbaasu wun'kucikë fë yilu n'twaandi. »

Sakumunaanu banë bëlëvaangë simbi. N'loombyaanu wubësakumunë i wuleembu kubësifë. Baanu mu nyeenzi yimunë bo buke mu liyaanji, lilaanu yimunë bo buke mu kulilë.

Lwe zudyaanu baanë yiinu bë nguli bëke mu n'ciinzë i keelaanu kuleembu lusalusu.

Licyelikë nyitu mweekë yikeeli yiitu kasi yimunë binamë bimpaapë bike byakë byooso yi bisalu bivyakënë. Beeso tuke mpaapë, kasi nyitu mweekë mu lubundunu yimunë Kliistu i beeso booso tubundënë besuveekë yi besuveekë dedë mweekë binamë bi nyitu mweekë.