I Versetti Biblici più popolari da Atu 2

Condividi

Asui Pedru umbeu ainta supe: —Pemanduari sasiyara pepekadu asui peyubatizari muiri penye, Jesus Kristu rera rese uperduari arama pesui pepekadu, ape periku kuri kua Espiritu Santu kua umbeuwaa.

Asui santa aintauiku sese kua nyenga apustuluita umbuewaita, asui aintauyumuatiri aintaumbau pão aintaupurandu Deus irumu yuiri.

Asui teresemu muiri ainta Espiritu Santu irumu asui aintauyupiru aintaupurungita amuita nyenga rupi kuaye Espiritu uxariwaa yawe.

Asui kutara tiapu aintausendu iwaka sui kuaye iwitu upeyuwaa yawe asui umuteresemu panye uka aintauwapikawaa upe. Asui aintaumaa tata uwiye uiku aintarese aintayaweyawe. Asui teresemu muiri ainta Espiritu Santu irumu asui aintauyupiru aintaupurungita amuita nyenga rupi kuaye Espiritu uxariwaa yawe.

Asui yepewasu aintauyumuatiri templu upe muiri ara, asui aintaumbau pão aintaruka yaweyawe, asui aintaumbau suuriwaa irumu aintapia. Asui aintaumee purangawaa Deus supe, asui purangawaa panye miraita umaa ainta. Asui yaneruixawa uxari aintauwike aintairumu muiri kuaita umukaturuwaita.

Deus umbeu: —Anyu aramawaa ara upe kuri hayusena seEspiritu aintarese miraita panye, asuiwana kuri aintautitika kuaita perairaita perayeraita yuiri, asui kuaita kurumiwasuita aintaumaa kuri angaita, asuiwana kuri kuaita tuyuweita aintakerupi kuri ainta.

Asui yepewasu panye kuaita uruyariwaita asui aintauxari yuiri yepewasu arama aintayara arama. Asui aintauvenderi aintakupixawa panye maa aintaurikuwaita yuiri asui aintaumee ainta supe aintayaweyawe sikuyara kuaye watariwaa yawe amuita supe.

Asuiwana kuri umukaturu panye kuaita usenuiwaita yaneruixawa rera rese.

Asui pitunawasu kuri kua kurasi, asui uyutrukari kuri tuwi yawe kua yasi senundere kua yaneruixawa ara purangawaa usika kuri.