I Versetti Biblici più popolari da ŴaRoma 6

Condividi

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

Chifukwa kuti ulakwi utufuliyenge paku imwe cha: chifukwa kuti mwe pasi pa chilangulu cha, kweni pasi pa wezi.

Viyo tinguŵikikiya pamoza nayo mu chibatizo mu nyifwa: alinga kuti, uli ndimo Kristu wanguyuskikiyako ku nyifwa ndi unkhankhu wa Awiske, viyo ifwe nafwe tendiyenge mu ufya wa umoyo.

Ndipo viŵaru vinu mungavipereka cha ku ulakwi nge ndi vitataliru vya uwura-urunji; kweni mujipereke kwaku Chiuta, nge mbamoyo ku ŵakufwa, ndi viŵaru vinu nge ndi vitataliru vya urunji kwaku Chiuta.

pakuziŵa chenichi, kuti unthu widu wakali ungupayikikiya pamoza nayo, alinga kuti liŵavu lo la ulakwi liwayulike, viyo kuti tireke ifwe kuŵa so ŵaŵanda ku ulakwi

Viyo namwe mujipime ŵakufwa kuchiri ku ulakwi, kweni ŵamoyo kuchiri kwaku Chiuta mwaku Kristu Yesu.

Viyo tikatingenji? Kumbi tijaririyenge mu ulakwi, alinga kuti wezi wo ufurwe? Kungaŵanga viyo cha! Taŵenifwe tingufwa ku ulakwi, tijaririyenge ŵamoyo so uli mwenimo?

Asi muziŵa kuti kwaku mweniyo mujiperekako nge mbaŵanda kwachimvwiya, mwe ŵaŵanda kwaku yo mumvwiya, pamwenga ŵa mvwiyu ku urunji?

Kweni wawongeke Chiuta, kuti chingana mwaŵanga ŵaŵanda ŵa ulakwi, ndikweni munguvwiya mu mtima kasambizgidu ko kakuperekeka kwaku imwe; ndipo pakufwatulika ku ulakwi, munguŵa ŵaŵanda ku urunji.