I Versetti Biblici più popolari da 2 कुरुन्थियों 5

Condividi

इस तांइ जे कोई मसीह यीशु बिच विश्वास रखदा तां से नौई रचना है: पुराणी जिन्दगी बीती गे री है, अवे नौई जिन्दगी री सुरुआत होए री है।

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

हल्ले जां असी इस दुनिया बिच जिया करदे हिन, तां असी प्रभु रा अनुसरण तिन्हा जो दिख्खी करी नी पर विश्वास करणे रे जरिये करेया करदे हिन।

ए सारी गल्लां परमेश्वर रे पास्से का है, जिन्हा ने मसीह यीशु रे जरिए असा रा अप्पु कने मेल जोल करी दित्ता, ते अप्पु कने लोक्कां रा मेल जोल करणे री सेवा असा जो सौंप्पि दित्ती। इसेरा मतलब ए है कि परमेश्वर ने मसीह यीशु बिच होई करी अपणे कन्ने दुनिया रा मेल जोल करी लित्ता, ते लोक्कां रे पाप्पां रा इल्जाम तिन्हा पर नी लाया। ते ए ही मेल जोल कराणे रा से बसेख है, जे परमेश्वर ने लोक्कां जो सुनाणे तांइ असा जो सौंप्पे रा है।

इस तांइ असी मसीह यीशु रे राजदूत हिन मन्नों परमेश्वर असा रे जरिए बिनती करेया करदे हिन; असी मसीह यीशु रे पास्से का बिनती करेया करदे हिन की परमेश्वर कने मेल जोल करी लेयो।

ते मसीह इधेरे तांइ सारेयां तांइ मरेया कि जे मणू जिन्दे हिन, से अग्गे जो अपणे तांइ ना जिन्दगी ना जीण पर तिन्हेरे तांइ जीण जे तिन्हेरे तांइ मरेया ते फिरी मरे रे लोक्कां बिच का जिन्दा होई गेया। अते अवे असी कुसकी होर जो इन्सानी तौर-तरिक्के रे हिसाब कने नी समजगे हालांकि असा ने भी मसीह यीशु जो इन्सानी तौर-तरिक्के रे हिसाब कने समजेया, तां भी अब्बे का असी तिन्हा जो इदेया नी जाणगे।

किजोकी मसीह यीशु रा प्यार असा जो मजबूर करी दिंदा, किजोकी असी ए समजदे की जां इक्क मणू सारे लोक्कां तांइ मरेया तां सारे मरी गे।