I Versetti Biblici più popolari da II Va le Korinto 4

Condividi

Kutani hikongomisa mahlo ya hina kungali ka lesvivoniwaka, kambe ka lesvingavoniwiki; hikuva lesvivoniwaka i sva nkamanyana ntsena, kasi lesvi svingavoniwiki i sva minkama hinkwayu.

Hikolaho ahiheli mbilu; hambilesvi hihlakalaka hi tlhelo ra munhu wa hina wa le handle, hi tlhelo ra munhu wa hina wa le ndzeni, hihundzuka lavampsha siku rin'wana ni rin'wana. Hikuva maxangu lawa mangaliki na kutika ngopfu, lawa manga ya nkamanyana ntsena, mahitisela kukwetsima loku kunga ni ntikelo svinene, lokungaheliki, lokutlulaka ngopfu mpimo hinkwawu.

Hi kamanyetiwa hi matlhelo hinkwawu, kambe ahimanyiwanga; hi le kukanakaneni, kambe ahiheli mbilu; hahlotiwa, kambe ahitshikiwanga khombzeni; hatlumbiwa, kambe ahihelisiwi

Kambe hina lava hinyikiweke kurhwala xuma lexi, hifana ni timbita ta vumba; svikomba lesvaku matimba lamakulu lawa, lawa matlulaka hinkwasvu, mahuma ka Xikwembu, amahumi ka hina.

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

Hikuva hi xona Xikwembu lexi nga te: “Kuvonakala akuvoninge munyameni!” Hi xona lexingavonakalisa kuvonakala atimbilwini ta hina, hitativa kukwetsima ka xona loku kuvonakalaka nghoheni ya Kriste.