I Versetti Biblici più popolari da EZEKIELI 18

Condividi

Nĩ gũkorũo ndikenaga nĩ ũndũ wa gĩkuũ kĩa mũndũ rĩrĩa egũkua; ũguo nĩguo Mwathani Jehova oigĩte. Tondũ ũcio wĩgarũrei, na nĩmũgũtũũra muoyo.

Roho ũrĩa wĩhagia noguo ũgakua; no rĩrĩ, mũriũ ndagacokererũo nĩ ũũru wa ithe, o na kana mũthuri acokererũo nĩ ũũru wa mũriũ; ũthingu wa mũndũ ũrĩa mũthingu nowe mwene ũgacokererũo nĩguo, naguo waganu wa mũndũ ũrĩa mwaganu nowe ũgacokererũo nĩguo.

Tei maũndũ manyu mothe marĩa mwĩkaga ma kwagarara watho wakwa, mamweherere; wĩthondekei, mũgĩe na ngoro njerũ o na roho mwerũ thĩinĩ wanyu; nĩ ũndũ-rĩ, kaĩ mũngĩgĩkua nĩ ũndũ kĩ, inyuĩ andũ a nyũmba ya Isiraeli?

Anga kwĩ hĩndĩ ingĩkena nĩ ũndũ wa gĩkuũ kĩa mũndũ mwaganu? Ũguo nĩguo Mwathani Jehova ekuuga. Githĩ ti kwenda ingĩenda atĩ kaba agarũrũke atigane na mĩthiĩre ĩo yake, atũũre muoyo?

No mũndũ ũrĩa mwaganu angĩgarũrũka atigane na mehia make mothe marĩa ehĩtie, na ahingie irĩra ciakwa ciothe cia watho wa kũrũmĩrĩrũo, na acoke gwĩka maũndũ marĩa maagĩrĩire na marĩa ma ũthingu, ndarĩ hingo atagatũũra muoyo; ũcio ndagakua.

na akahingia irĩra cia watho wakwa wa kũrũmĩrĩrũo, na akamenyerera matuĩro makwa ma cira, nĩguo ekage maũndũ ma kĩhooto; mũndũ ũcio-rĩ, nĩ mũthingu, na ti-itherũ nĩagatũũra muoyo; ũguo nĩguo Mwathani Jehova oigĩte.