I Versetti Biblici più popolari da IBUKU RĨA DANIELI 6

Condividi

Na rĩrĩ, Danieli aaigua atĩ watho ũcio nĩ mwandĩke thaĩri, akĩinũka gwake; nacio ndirica cia nyũmba yake ciahingũragwo irorete mwena wa Jerusalemu; nake agagĩturagia ndu o mũthenya gatatũ akahoya Ngai, akĩmũcokagĩria ngatho, o ta ũrĩa aamenyerete gwĩka.

Ngai wakwa nĩarandũmĩire mũraika wake, arahinga mĩrũthi tũnua, nayo ndĩnjĩkĩte kaũndũ njĩkĩtwo ũguo nĩ ũndũ nĩnyonetwo ndĩ mũthingu maitho-inĩ make; ningĩ mbere yaku, wee mũthamaki witũ, ndirĩ na ĩhĩtia o na rĩmwe.

Nĩ gũtua nduĩte watho, ngoiga atĩrĩ, atĩ mabũrũri-inĩ mothe ma ũthamaki wakwa, andũ mainainage me mbere ya Ngai wa Danieli, na mamwĩtigagĩre. Nĩ ũndũ ũcio nĩwe Ngai ũrĩa wĩ muoyo, Na nĩwe ũtũũraga mĩndĩ na mĩndĩ. Ũthamaki wake ndũkaninwo o rĩ, o rĩ, Naguo wathani wake nĩ wa gũtũũra tene na tene. Nĩwe ũhonokagia andũ, akamaruta ũgwati-inĩ, Na akonania morirũ na maũndũ ma kũgegania matu-inĩ o na gũkũ thĩ. Ũcio nĩwe ũhonoketie Danieli, Ndagakĩrio hinya nĩ mĩrũthi.

Hĩndĩ ĩo mũthamaki agĩgĩatha andũ ake, nao makĩrehe Danieli, makĩmũikia irima-inĩ rĩa mĩrũthi. Na rĩrĩ, mũthamaki akĩĩra Danieli atĩrĩ, Ngai waku ũrĩa ũtungatagĩra hingo ciothe-rĩ, ndarĩ hingo ategũkũhonokia.