I Versetti Biblici più popolari da Malakiya 3

Condividi

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba MKOMA wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Se ngu mhaka yanu, ni na tsivela mkhadamuli, ti to asi mi dyeli mihando ya mafu, ni mivhinya ya thembweni yi si mahi sifule, kuwomba MKOMA wa Mabutho a Tiyimbi. Se otshe matiko ma na womba ku mi katekile, nguko anu mi na va ditiko do tsakisa, kuwomba MKOMA wa Mabutho a Tiyimbi.

Se vona va na va vangu, kuwomba MKOMA wa Mabutho a Tiyimbi, ka dona ditshiku dile ni no maha mthumo wangu, va na va thomba yangu; ni na va divalela, ku nga m'veleki wu a divalelako mwanana wakwe, wu a thumelako. Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Wonani taku, ni mi rumela ngelozi yangu, ayi yi no ni lulamisela nzila, se msana keto, MKOMA wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba MKOMA wa Mabutho a Tiyimbi.