I Versetti Biblici più popolari da Isaya 65

Condividi

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Nguko ani na vanga nzuma ya yiphya ni mafu a maphya; se kha ku na mbi alakanywa timhaka tile ti nga pinda, kambe kha si na mbi khumbulwa.

Kha va na mbi thuma, hambi kuveleka vanana kasi ku va xanisa, nguko liveleko la va vo katekiswa ngu MKOMA, kumweko ni lixaka vawe.

Kha va na mbi akela kuva txi ta zumba vamwani, kha va na mbi phayela ku si ta dyiwa ngu vamwani, nguko masiku a vathu vangu, ma na fana ni masiku a mndonga, se vasawuleki vangu va na tsakela mithumo ya manza awe, kala ve kumba.

Ka dona kha ku na mbi maneka kambe mwanana wo hanya masiku amadotho, hambi txikosana txi txi no mbi hetisa masiku a txona, nguko mwana a na fa a ti ni 100 wa malembe, aniko muonhi wa 100 wa malembe a na ruketelwa.

Dixolwa ni txinvutana si nadya kumweko, se ngonyamo yi na dya mwasi kufana ni homu; se lithulu li na maha sakudya sa mnyoka. Kha si na mbi maha wubihi mwendo kuonha txokari ka wotshe mmango wangu wo sawuleka, kuwomba MKOMA.

Se ni na tsaka kona Jerusalema, ni pfalisa vathu vangu; kha ku na mbi ngadi kambe kupfala wakwe dipswi da kudil, hambi dipswi da huwa.