I Versetti Biblici più popolari da Vaefesu 5

Condividi

Ngu toneto, etetelani Txizimu, anu mi ku vanana va txona vo randeka ngutu. Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Ti di ngeto, wonisisani ta tinene mahanyelo anu; mi nga hanyiseni ku nga vathu va va si ziviko, aniko hanyani nga vathu va va zivako, londolani mbimo yi mi ku nayo, nguko masiku a ngweno ma bihile.

Se mi nga leveni ngu vhinya, ayi ka yona ku ku ni mazunga, aniko talani ngu Moya; mi txi womba-womba ngu masalmo ni tindando, mizeno ni tindando ta moya, mi embelela ni kudhumisa Mkoma timbiluni kwanu, yotshe mbimo mi bonga Txizimu txathu, i ku tate ngu sotshe si txi nga maha, ngu ditina da Mkoma wathu Jesu Kristu.

Ngu toneto, mi nga ti maheni mabhemba, aniko lavani kuziva kuranda ka Txizimu.

Nananu vavamna, randani vasikati vanu, kota nga ti Kristu a nga randisa tona Dibanza, a txi ti ningela ngu mhaka ya dona

Kale mi ti hanyela mtemani, aniko mi hindukile mi maha liwoningo ngu ka Mkoma. Tsimbilani kha kwati, nga ti mi ku vanana va liwoningo.

Xoniphanani ngu txithavo ka Kristu.

Anu vavasikati, engisani vamna vanu, kota nga ti mi engisisako tona Mkoma

Ngu toneto, mmweyo ni mmweyo wanu, ngu kwakwe, a fanete kuranda msikati wakwe, nga ti a ti randisako tona ene apune; nene wamsikati e xonipha mwamna wakwe.

Ngu kota yeto, wamwamna a na siya tate wakwe ni mame wakwe, a txi namarela ka msikati wakwe, va txi maha nyama yimweyo ngu wumbidi wawe.

Mi nga wuleleni amu ka mithumo ya txidema, ayi yi si ningiko mihando, kambe yi vayileleni masoni ka votshe vathu.