I Versetti Biblici più popolari da Lǔkù 17

Condividi

È kě Jùsu dɛ̌a ɔ je Ɔ je, “Sɔn mǒ mu, nè tè wlò popoɛǒ kɔ̀nʼɔ klěě mǒ nɛ̀ǒ pean mò.”

Baǎje bɔ̌ nuù dɛ kukǔ mǒ klě wěe nyiɛta wlòmo klě chnɛ̀ jlǒ waěe do wlòmo, bɔ̌ di de bɔ̌ nyeè kɛ̀ɛn, è bò poo ɔɔ tè wlò le.”

Tà u nyuu do jěa lɛɛ ɛ̈ moɔ ɔɔ kwɛ̌ wɛ̀a le, è nɔ̀ǒ tbaea je klě Jùsu mɔ̀ ɔ̌ pea plɔɔ bloo slɛ̀ le ɔ̌ pea Nyesoaa nynɛ̌ le. È nɔ̀ǒ kɔaǒ Jùsu kwne jemǒ bo ɔ̌ pea Ɔ tàto. Ɔmo jbɛjuǒ ɔ mooa Sìmɛ̌lia nyu, u klee Jùwɛ nyo fonfaea ne.

Ii tè ba ji dɛ a mii numa. Bɛ̌ nu bo nyu bɔ̌ nu kpni kukwǐ, poǒ ɔ snǔ mɔ̀le. Bɛ̌ nu bɔ̌ bitǐ wlò bo, è bò poo ɔɔ tè wlò le.

È kě Jùsu nia ɔ wan gbògba Ɔ je, “A see kɛ tàii pù ne a see sìnɛ wɛ̀ le? Tàii siědo tùuǒ tà u neě kɛ?

È Koɔn tùia lu kɛ̀ɛn Ɔ je, “Bɛ̌ nu bǎ kɔn tè wlò popoɛ ɛ klee mɔsà tuu joɛ̌ɛ bǐ boa le, è a wɔ̀le je ba tmɔɔ̌ Mɔbɛ̀le tuà ɛ̈ moo, ‘Sɔn wlò mǒ, tuǔnʼě dìe jbǒ mɔ̀,’ ɛ kɔn bɛ tùǒ aa win bo.

Bɛ̌ nu bo nyu wùɛ bɔ̌ tɛ̀n ɛ mǒ keǒ bɔ gblà ɔɔ chɛ̀ɛ fònfno, ɔ mi ɛ mǎma, kɛɛ bɛ̌ nu bɔ̌ mǎ ɔɔ fònfno keǒ Ně tè mɔ̀, è ɔ mi ɛ gblàba.

È kě Jùsu dɛ̌a Ɔɔ mɔ̀ cheěn nyo je Ɔ je, “Ɛ se kplɛ, měne tèntɛn ɛ̈ nii nyopò ǔ beě kpni kukwǐ slè nɛ̀ miě nyu wùɛ mɔ̀ diba, kɛɛ chlǒ keǒ nyopòǒ mɔ̀ ü jɛ lěe měne tèntɛn. Ɛ mi tɛɛ numa keǒ bu pe u kèuseɔ dɔ u miě u jbǒo wulǒ mɔ̀ tuǔn nu, ɛ̀ sìnʼǒ Nyesoa Bɔ maěǒ uu plɔ tu kɛn bo keǒ bu nu nyopòà ü sěɛɛ měne kunkwii ni klě uu tè wlò popoɛ mǒ bu nu kpni kukwǐ.

Jbɛjuu Jǔà Ɔɔ de didiɛ miǎ je wǒba keǒ Nòwǎa tǐ nuaa. Nyopò wùɛ dia digbaǐ ǔ nɛ̌a nmɔ. Jbɛjlu kwɛnʼa nyno plě nynejlu kpɛɛa tǐnma le, ɛ kpala ɛ kpa chnɛ̀ jlǒ waěǒ ɛ̌ nyniaǒ Nòwǎ palaě blǎgbè wan. È jijǐ něà u seaa wlò tnɔɔ no nɛ̀ dia lě ɛ̈ sùea nyopò wùɛ gbè.