I Versetti Biblici più popolari da Ifisiɛ̌n 6

Condividi

Bi beě a wlòmo ɛ̈ moo ä se tùonyopo mɔ̀ wɔ̀n, kɛɛ ä wɛ̀n mɔ̀ kpni kukwǐ nae nyo klee klɔ̀bapoo klee sìsi kukwǐ ï neěe jɔ mǒ.

A bàte Nyesoa a mǐ Ɔ wan gbà Ɔ mǐ a mǒ sɛ̀ɛ le klě noǎ wùɛ slè. Tǐ wùɛ mɔ̀ a bàte Ɔ wòje ke Ngmà Je Ne Sùsu miě ɛ amoo mǒ popoɛ numa. Bɛ̌ nu bǎ ke ɛ ni, ba gbɛ̀ɛ le, aǎ seɛ bàtea mǒ tǐ wùɛ mɔ̀ keǒ Nyesoaa nyopò wùɛ mɔ̀.

Nyesoaa wɔ̀ɔn noǎ wùɛ Ɔ nye amoo nì ba nu a mǐ wɔ̀n ɛ̈ di ɛɛ numa a miě ɛ wɔ̀ keǒ ba nyna kǔu kplakplǒ noǎa kukwǐ jebo.

Tèǒ nì kɔn tè Nyesoaa wɔ̀ɔn noǎ wùɛǒ nì ba nu ɛ̈ di ɛɛ numa a miě ɛ wɔ̀ keǒ ba wɔ̀n noǎ kukwǐǒ je klee a miě ɛ wɔ̀ keǒ ba nynaě aa tè wlò popoɛ mǒ bo a mǐ měne tèntɛn wùɛ jebo nyna.

Keǒ tabɔ̀poi nii ɔ̌ kpɛɛ chnu paě to kɛn ɛ mǐi diǎ jele kan, kě ba nu tǐ wùɛ mɔ̀ a kɔn tè wlò popoɛ a mǐ wɔ̀n ɛ̈ di ɛɛ numa a miě ɛ wɔ̀ keǒ ba nyna kpni kukwǐǒ jebo ïǒ kǔ jlɛ̌ ba nuu. Keǒ tabɔ̀poi nii ɔ̌ tuu to gbàkla dlǒ, kě ba nu a kɔn wowa dɛ keǒ aa kpni kukwǐ mɔ̀. A kɔn Ngmà Je Ne Sùsuǒ Ɛ̈ monoo Nyesoaa win a mǐ dɛ kukǔ je wɔ̀n wòje keà tabɔ̀poi blěe pan.

A wɛ̀ mɔ̀le keǒ aa jlae nyo mɔ̀. Keǒ tabɔ̀poi nii ɔ̌ pee koɔ wlo mɔ̀ bɔ̌ muu to kɛn, kě ba nu Nyesoaa kàan dɛ a mǐ kpni kukwǐ je wɔ̀n. Keǒ tabɔ̀poi nii ɔ̌ mɛ̌ɛ pněe papɔ̌ wùlee bo bɔ̌ ke to kɛn mi, kě ba nu jebo siǐan nunuɛ a mǐ wɔ̀n. Keǒ tabɔ̀poi nii bɔ̌ kee to kɛn mi ɔ̌ pee nyɔkòɛbě, kě ba nu ně bo wna kàan tuposàǒ nɛ̀ ba po nyopò tùu je.

Dɛà nɛ̀ moo ně win wɔ̀ɔn popoɛ, aa tè wlò popoɛ bɛ ne kbě kɛn klě Koɔn mǒ, a nu Ɔɔ kbě kɛne kpě.

wòje ke Nyesoaa win dɛ̌ɛ ɛ̈ moo, “Tùǒ nàǎ klee gbèǐ.” Dɛǒ nɛ̀ mooa klekle tetě ɛ̈ Nyesoaa pee dɛ mǎnaa debo. Ɛɛ pee dɛ nɛ̀ dɛ̌ bò ɛ̈ moo, “Tùǒ nàǎ klee gbèǐ ɛ̈ di ɛɛ numa dɛ wùɛ mǐ tɛɛ nu keǒò mɔ̀ plě mì wlɛ̀ɛ le kělɔ kmɔ̌ɔ mɔ̀.” (Ex 20.12, Deut 5.16)

Amo jlǔ, ɛ̈ kɔn amo kɔnʼɔ tè wlò popoɛ klě Koɔn mǒ, a tùǒ aa naǎ klee gbeǐpò. Dɛǒ nɛ̀ moo mǒ slɛɛ̌ dɛ ba nu