I Versetti Biblici più popolari da 2 Kwnɛtiɛ̌ 5

Condividi

Tèǒ nì kɔn tè bo nyu bɔ̌ kɔn tè wlò popoɛ klě Tentǎn Jǔ mǒ, ɔ moo nyejajlo, kmɔ̌ dakǎǒ ɔ niaa ɛ sìn ni, kmɔ̌ jajlo nɛ̀ tùu wlò klě ɔ mǒ.

Nyesoa nua Tentǎn Jǔà dɛ kukǔ slě mǒ ne keǒ Bɔ wǒa dɛ kukǔ nuɔ keǒ äa tè mɔ̀ ɛ̈ di ɛɛ numa Ɔmo Nyesoa Ɔ mǐ ä jebo siǐn nyo mǒ nu klě Tentǎn Jǔ mǒ.

Tèǒ nì kɔn tè ä nee tè wlò popoɛ kmɔ̌ ɛ̈ see dɛà ä kpɛǒo jleě mɔ̀.

È Nyuǒ nu ɛmoo dɛǒ Nɔ̀ moo Nyesoa, Nɔ̀ sàǒ kwɛnaǒ ne pnɔǒ Ɔ klee ämo slè. Ɔ nuuě ɛ Tentǎn Jǔ mǒ, klě tǐà wlòmo Ɔ̌ nye ä konkwaà keǒ bä po tuposàà kwɛɛǒo mɔ̀niapo dɛǒ jleě mǒ bo klě nyopò tùu mɔ̀. Ke ɛmo tuposàà ɛ dɛ̌ɛà ɛ̈ moo, Nyesoa sàǒ kmɔ̌ ne tùonyopo klee Ɔɔ sɔ̌n kwɛna slè le plě uu dɛ kukǔǒ Ɔ se ɛɛ tè ù kwa bleě le. Tuposà Ɔ nye ämoo nɛ̀ moo ke bo nyu bɔ nuu ɔ klee Ɔ mii mɔ̀niapo dɛ nu.

Tèǒ nì kɔn tè ä moo Tentǎn Jǔu pènmo bo nyna nyo, dɛǒ nɛ̀ nu ɛ Nyesoa bɛ̀te amo klě ä mǒ. Ä bàte ale keǒ Tentǎn Jǔ pènmo, nɛ bo Nyesoa Bɔ nu a Ɔɔ mɔ̀niapo mǒ.

È tè kɔn tè Ɔ kǒaa keǒ nyopò wùɛ mɔ̀ nɛ̀ moo ɛ̈ di ɛɛ numa uǔ dii kɛ̀ kmɔ̌ ne keǒ bu bloo uu chɛ̀ɛ plɔ, kɛɛ keǒ Nyuǒ kǒaa Ɔɔ tè mɔ̀ plě Ɔ̈ Nyesoa dǔaa jemǒ keǒ uu tè mɔ̀. Sɔɔnʼě tǐǒ kɔn jleě ä mooa kàan tè po nyo, äǎ tùǒ nyu wùɛ tè jleě mǒ keǒ tùonyugbee dlǒ le sìɛnsiɛn nu ɛɛ jejeɛ̌, kɛɛ keǒ Nyesoa nu ɛɛ jejeɛ̌. I moo kàan tè klě tǐ tìi wlòmo ä tùiaǒ Tentǎn Jǔ tè jleě mǒ klě ɛmo dlǒ le sìɛnsiɛnʼǒ mǒ, kɛɛ äǎ nuu kɛ̀ lɛ.

Tentǎn Jǔu mǒ noɛnoɛ Ɔ kɔnʼɔ keǒ ä mɔ̀ nɛ̀ nɛɛ ämo. Ä jbo ɛ le ɛ̈ moo Ɔɔ do Nɔ̀ kǒa keǒ nyopò wùɛɛ tè mɔ̀, nɛ̀ nu ɛ ɛ̌ wǒ je keà nyopò wùɛ klee Ɔ̀ koǒaǒo tàa do.