I Versetti Biblici più popolari da 2 Kwnɛtiɛ̌ 1

Condividi

Bìsea keǒ Nyesoa mɔ̀ Ɔ̈ moo äa Koɔn Jùsuu Nyesoa klee Gbeǐ. Ɔmo Nyesoaa doǒ Nɔ̀ kɔn wɔle je jbojbɛ keǒ ä mɔ̀ plě Nɔ̀ sɛ̀ɛ ä mǒ tǐ wùɛ mɔ̀. Nɔ̀ mɛ̌ǒ ä mɔ̀ klě äa tǐ jakě wùɛ slè ɛ̈ di ɛɛ numa ä miě ɛ wɔ̀ keǒ bä sɛ̀ɛ nyopò tùu mǒ klě uu tǐ jakě wùɛ slè ke, mǒ sɛ̀ɛaǒ ɔ nye ämoo nɛ̀ nu ɛ ä sɛ̀ɛ nyopò tùuǒ mǒ.

Keǒ ä nii sònwɛ jejeɛ̌ keǒ noǎǒ Tentǎn Jǔ jěaǒo sònwɛ jleě mǒ mɔ̀, kě Tentǎn Jǔ ni ä mǒ sɛ̀ɛa.

Ä jia ili ɛ̈ moo ä mia kǒba. Ɛmo dɛǒ ɛ kpala tùɔn ɛ̈ di ɛɛ numa äǎ di äa chɛ̀ kɛn tee le keǒ bä bɛɛ̌ě sònwɛ jejeɛ̌ǒ slè tìe, kɛɛ keǒ bä mǒ Nyesoa kɛn tee le Ɔ̈ duǐi kokǒ nyo jeměne.

Nyesoa Nɔ̀ nu a klee ämo ä kɔn tè wlò popoɛɛ do ɛ̈ nu ämoo klee Tentǎn Jǔ ä ngmàa kpankpa plě Ɔ̌ nye ä Ɔɔ konkwaà ämo plě Ɔ̌ tù ä jboo dɛ kɛn ɛ̈ moo Nɔ̀ kɔn ämo plě Ɔ̌ poě Ɔɔ Ngmà Je Ne Sùsu klě äa wlè jleě Ɛ̈ nye ämoo wlò je kunkuɛn ɛ̈ moo Ɔ mi noǎǒ Ɔ peeě ämoo numa.

Bɛ̌ nu tǐ wùɛ mɔ̀ bä ke sònwɛ jě, ä jě ɛ keǒ aa mɔ̀ momǎ mɔ̀ klee a mǐ wowa dɛ kɔn. È bɛ̌ nu tǐ wùɛ mɔ̀ Nyesoa Bɔ̌ sɛ̀ɛ ä mǒ, Ɔ ni ɛ ɛ̈ di ɛɛ numa bɛ̌ nu bǎ jě sònwɛ keǒ noǎa doǒ kɔn tè ä jěaa sònwɛ mɔ̀, i miě a wlòmo beba ke Nyesoa miǒ amoo mɔ̀ memǎ numa a mǐ ɛɛ kbě blě keǒ ba bɛɛ̌ě aa sònwɛ jejeɛ̌ slè tìe ke.